«تمد ەلدەرى پاندەميادان كەيىنگى قالپىنا كەلۋ كەزەڭىنە بىرتىندەپ كوشۋدە. ءبىزدىڭ ەكونوميكالارىمىز, جەتەكشى حالىقارالىق قارجى ۇيىمدارىنىڭ بولجامدارى بويىنشا, بيىل وڭ ءوسۋ تراەكتورياسىنا شىعادى», دەدى ا. مامين.
ۇكىمەت باسشىسى تمد ەلدەرى اراسىنداعى ءوزارا ساۋدا كورسەتكىشتەرىنىڭ جاقسارعانىن اتاپ ءوتتى. بيىلعى قاڭتار-ناۋرىزدا قازاقستاننىڭ تمد ەلدەرىمەن ساۋداسى $6,3 ملرد قۇرادى, بۇل وتكەن جىلدىڭ سايكەس كەزەڭىمەن سالىستىرعاندا 10%-عا ارتىق.
قر پرەمەر-ءمينيسترى قوسىلعان قۇندى بىرلەسىپ قالىپتاستىرۋدى قامتاماسىز ەتۋ, ونى وتكىزۋ نارىقتارىنا دەيىن تاسىمالداۋ جانە كورسەتىلگەن پروتسەستەردى قارجىلاندىرۋ بويىنشا ۇيلەستىرىلگەن شارالار قابىلداۋ قاجەت ەكەنىن اتاپ ءوتتى. بۇل رەتتە ىقتيمال قايتالاناتىن شوكتار جاعدايىندا ەكونوميكانىڭ تۇراقتىلىعىن ارتتىرۋ ءۇشىن تمد-نىڭ سىرتقى تولەم تەڭگەرىمىنىڭ ورنىقتىلىعىن قامتاماسىز ەتۋگە, ونىڭ ىشىندە دوستاستىق ىشىندەگى تاۋار اينالىمىن ۇلعايتۋ جولىمەن قامتاماسىز ەتۋگە نازار اۋدارۋ قاجەت.
تمد ەكونوميكالىق دامۋىنىڭ جاڭا كۇن ءتارتىبى اياسىندا قازاقستان ۇكىمەتىنىڭ باسشىسى دوستاستىقتىڭ ونەركاسىپتىك جانە اگروونەركاسىپتىك الەۋەتىن ىسكە اسىرۋعا باسا نازار اۋدارۋدى ۇسىندى.
«ازىق-ت ۇلىك ونىمدەرىن وندىرۋگە, وڭدەۋگە, بولۋگە, رەتتەۋگە جانە تۇتىنۋعا قاتىستى سۋبەكتىلەر مەن ءىس-شارالاردىڭ بۇكىل سپەكترىن قامتيتىن تمد ەلدەرىنىڭ ازىق-ت ۇلىك قاۋىپسىزدىگىن قامتاماسىز ەتۋ ستراتەگياسىن ازىرلەپ, قابىلداۋ قاجەت», دەدى ا. مامين.
تمد اياسىندا بىرلەسكەن ءتيىمدى جانە پراكتيكالىق كولىك ساياساتىن ازىرلەۋ مەن ىسكە اسىرۋدىڭ, ينفراقۇرىلىمنىڭ ساپاسى مەن قولجەتىمدىلىگىن ارتتىرۋ بويىنشا جۇمىستى جالعاستىرۋدىڭ ماڭىزدىلىعى اتاپ ءوتىلدى. ۇكىمەت باسشىسى قالىپتاسقان ءىرى جاھاندىق قوسىلعان قۇن تىزبەكتەرىنىڭ ترانسفورماتسياسىنان, ءداستۇرلى باعىتتاردىڭ ورنىقتىلىعىنا قاتىستى قاۋىپتەنۋدەن جانە جەكەلەگەن ايماقتاردىڭ ترانزيتتىك الەۋەتىنە قاتىستى بەلگىسىزدىكتەن تۋىنداعان حالىقارالىق كولىك اعىندارىن اۋقىمدى قايتا ءبولۋدى ەسكەرە وتىرىپ, تمد-نىڭ حالىقارالىق تاسىمال نارىعىنداعى ءوز ۇلەسىن ۇلعايتۋعا مۇمكىندىگى بار ەكەنىن اتاپ ءوتتى.
«مۇنداي سەرپىن ءبىزدىڭ ترانزيتتىك كورسەتكىشتەرىمىز ارقىلى كورىنىس بەرىپ وتىر. 2020 جىلى پاندەمياعا قاراماستان, قازاقستان اۋماعى ارقىلى قىتاي – ەۋروپا – قىتاي باعىتى بويىنشا كونتەينەرلىك تاسىمالداردىڭ ءوسۋى 59,6% قۇرادى. وسى جىلدىڭ العاشقى ءتورت ايىندا ءوسىم 84% قۇرادى», دەدى ا. مامين.
پرەمەر-مينيستر جوبالاردى قارجىلاندىرۋدىڭ جاڭا تەتىكتەرىن جانە ونەركاسىپتىك كووپەراتسيانى تەرەڭدەتۋ, ازىق-ت ۇلىك قاۋىپسىزدىگىن قامتاماسىز ەتۋ, جاڭا بىرلەسكەن وندىرىستەردى قۇرۋ, كولىك-لوگيستيكالىق ينفراقۇرىلىمدى دامىتۋ جانە ينۆەستيتسيالىق احۋالدى جاقسارتۋ جونىندەگى شارالاردى ازىرلەۋدىڭ ماڭىزدىلىعىن اتاپ ءوتتى. وتىرىس قورىتىندىسى بويىنشا حالىقتى جۇمىسپەن قامتۋعا جاردەمدەسۋ, تمد-عا قاتىسۋشى مەملەكەتتەردىڭ اۋماقتارىن سانيتارلىق قورعاۋ, جالعان تاۋارلىق بەلگىلەر مەن گەوگرافيالىق كورسەتكىشتەردى پايدالانۋدىڭ الدىن الۋ جانە جولىن كەسۋ سالالارىنداعى ىنتىماقتاستىق تۋرالى كەلىسىمدەر قابىلداندى.
تمد ۇبك جۇقپالى اۋرۋلاردىڭ تارالۋىنا قارسى ءىس-قيمىل جونىندەگى بىرلەسكەن ءىس-قيمىلداردىڭ ورتاشا مەرزىمدى جوسپارىن, 2025 جىلعا دەيىنگى كەزەڭگە ارنالعان اۋسىلدىڭ الدىن الۋ جانە وعان قارسى كۇرەس جونىندەگى بىرلەسكەن شارالار كەشەنىن بەكىتتى, سونداي-اق مەملەكەتتىك ماتەريالدىق رەزەرۆتەردى باسقارۋداعى جانە قارۋلى كۇشتەر وفيتسەرلەرىن دايارلاۋداعى ىنتىماقتاستىقتى نىعايتۋ جونىندە شەشىمدەر قابىلدادى.
تمد اياسىنداعى ەكونوميكالىق ءوزارا ءىس-قيمىلدىڭ وزەكتى ماسەلەلەرى جانە تمد-نىڭ 2030 جىلعا دەيىنگى كەزەڭگە ارنالعان ەكونوميكالىق دامۋ ستراتەگياسىنىڭ ءبىرىنشى كەزەڭىن ىسكە اسىرۋ جونىندەگى ءىس-شارالار جوسپارى قارالدى.
Cونداي-اق وتىرىسقا ازەربايجان پرەمەر-ءمينيسترى ءالي يدايات وعلى اسادوۆ, بەلارۋس پرەمەر-ءمينيسترى رومان گولوۆچەنكو, قىرعىزستان پرەمەر-ءمينيسترى ۋلۋكبەك ماريپوۆ, رەسەي پرەمەر-ءمينيسترى ميحايل ميشۋستين, تاجىكستان پرەمەر-ءمينيسترى كوحير راسۋلزودا, وزبەكستان پرەمەر-ءمينيسترى ابدۋللا اريپوۆ, ارمەنيا ۆيتسە-پرەمەر-ءمينيسترىنىڭ م. ا. مگەر گريگوريان, تۇركىمەنستان مينيسترلەر كابينەتى توراعاسىنىڭ ورىنباسارى گادىرگەلدى مۋششيكوۆ, مولدوۆانىڭ بەلارۋستەگى ەلشىسى ۆيكتور سوروچان قاتىستى.
