الماتىدا ىندەت جۇقتىرعانداردىڭ سانى ەداۋىر ازايدى

ايتا كەتەيىك, وتكەن تاۋلىكتە الماتى وبلىسىندا 97 ادامنان كوروناۆيرۋس انىقتالدى.

تالدىقورعان قالاسىنىڭ وزىندە 29 جاعداي, ىلە اۋدانىندا – 13, تالعار اۋدانىندا – 11, جامبىل اۋدانىندا – 8, ەڭبەكشىقازاق اۋدانىندا – 7, ەسكەلدى اۋدانىندا – 6, قاراساي, قاراتال اۋداندارىندا 5 جاعدايدان, سارقان اۋدانىندا – 4, ۇيعىر اۋدانىندا – 3, كەربۇلاق جانە پانفيلوۆ اۋداندارىندا 2 جاعدايدان, بالقاش اۋدانى مەن تەكەلى قالاسىندا 1 جاعدايدان تىركەلدى.

ءوڭىر «جاسىل» ايماقتا.

الماتى وبلىسىنداعى اۋرۋحانالاردا 1 382 ادام ەم قابىلداۋدا, سونىڭ 43-ءنىڭ جاعدايى اۋىر. ءبىر تاۋلىكتە 134 ادام اۋرۋحانالارعا جاتقىزىلدى. جۇقپالى اۋرۋلار ستاتسيونارلارىنداعى ورىندار 42,9 %-عا تولعان.

وتكەن تاۋلىكتە وبلىس بويىنشا 465 ادام كوروناۆيرۋس ىندەتىنەن ەمدەلىپ شىقتى.

«سوڭعى 3 كۇندە 6 754 ادامنىڭ سىنامالارى پتر زەرتحانالاردا تەكسەرىلدى. ناۋقاستارمەن قارىم-قاتىناستا بولعان 40 ادام انىقتالىپ, بارلىعى ءۇي كارانتينىنە جىبەرىلدى جانە مەديتسينا قىزمەتكەرلەرىنىڭ باقىلاۋىنا الىندى.

الماتى وبلىسى بويىنشا كوروناۆيرۋسقا قارسى ۆاكتسينانىڭ 1-ءشى كومپونەنتىن العاندار سانى – 216 319. سونىڭ ىشىندە وتكەن كۇنى ەكپە العاندار سانى – 1 877. ەكپەنىڭ 2-ءشى كومپونەنتىن العاندار سانى – 124 845. سونىڭ ىشىندە وتكەن كۇنى ەكپە العاندار سانى – 2 558», دەلىنگەن الماتى وبلىسى اكىمىنىڭ ءباسپاسوز قىزمەتى تاراتقان حابارلامادا.