قازاقستان • 27 مامىر، 2021

سىبايلاس جەمقورلىق تۋرالى حابارلاماعا بەرىلەتىن سىياقى كولەمى ارتتى

87 رەت كورسەتىلدى

قازاقستاندا سىبايلاس جەمقورلىقتىڭ ورىن الۋى جايلى حابارلاعان ازاماتتارعا بەرىلەتىن سىياقى مولشەرى ارتتى. بۇل تۋرالى قر سىبايلاس جەمقورلىققا قارسى ءىس-قيمىل اگەنتتىگىنىڭ ەلوردالىق دەپارتامەنتىندەگى پرەۆەنتسيا جانە پاراساتتىلىق باسقارماسىنىڭ باسشىسى مارات حايرۋللين ءمالىم ەتتى، دەپ حابارلايدى Egemen.kz.

«سىبايلاس جەمقورلىق قۇقىق بۇزۋشىلىق فاكتىسى تۋرالى حابارلاعان نەمەسە سىبايلاس جەمقورلىققا قارسى ءىس-قيمىلدا وزگە دە جولمەن جاردەمدەسەتىن ادامدارعا بىرجولعى اقشالاي سىياقى نىسانىندا جۇزەگە اسىرىلاتىن كوتەرمەلەۋ بەلگىلەنەدى. قاعيدالارمەن رەگلامەنتتەلگەن كوتەرمەلەۋ سىبايلاس جەمقورلىققا مۇلدەم توزبەۋشىلىكتى قالىپتاستىرۋ جانە ازاماتتىق قوعامدى وسى قاۋىپتى الەۋمەتتىك قۇبىلىسپەن كۇرەسكە تارتۋ بويىنشا پارمەندى ىنتالاندىرۋ تەتىگى بولىپ سانالادى»، دەدى مارات حايرۋللين.

ونىڭ ايتۋىنشا، سىبايلاس جەمقورلىققا قاتىستى حابارلاماعا بەرىلەتىن سىياقى ەرەجەسىنە حالىقارالىق تاجىريبەگە سۇيەنە وتىرىپ وزگەرىستەر ەنگىزىلدى.

«ەكونوميكالىق ىنتىماقتاستىق جانە دامۋ ۇيىمى ەلدەرىنىڭ تاجىريبەسى بويىنشا (گەرمانيا، ۇلىبريتانيا، اقش) سىياقى سوماسى سارالانعان سوماعا اينالدى. ەندى پارا نەمەسە كەلتىرىلگەن زالال سوماسى 1 مىڭ اەك-تەن (2 ملن 917 مىڭ تەڭگە) اسپايتىن سىبايلاس جەمقورلىق قۇقىق بۇزۋشىلىق تۋرالى حابارلاما ءۇشىن سىياقى (قىلمىستىڭ اۋىرلىعىنا بايلانىستى) 30-دان 100 اەك-كە دەيىنگى سومانى قۇرايدى. كورسەتىلگەن سومادان ارتىق – سىياقى كولەمى 10% - دى قۇرايدى، بىراق 4 مىڭ اەك-تەن اسپايدى (11 ملن 668 مىڭ تەڭگە) بۇرىن سىياقىنى كوتەرمەلەۋدىڭ ەڭ جوعارى مولشەرى 100 ايلىق ەسەپتىك كورسەتكىشتەن (291 مىڭ 700 تەڭگە) اسپايتىن»، دەدى ول.

سوڭعى جاڭالىقتار

«شىڭىراۋ» شىڭعا شىقسىن

ونەر • بۇگىن، 00:18

تىڭ تاسىلدەردىڭ ءتيىمدى تۇسى كوپ

مەديتسينا • بۇگىن، 00:14

پاسپورت

رۋحانيات • كەشە

جەكە پەسا جازۋعا لايىق

رۋحانيات • كەشە

انا مەيىرىمى

قوعام • كەشە

دوللار ارزاندادى

قارجى • كەشە

ۇقساس جاڭالىقتار