ANTIKOR • 27 مامىر، 2021

اياگوز قالاسىنىڭ بۇرىنعى اكىمى سوتتالدى

523 رەت كورسەتىلدى

اياگوز قالاسىنىڭ بۇرىنعى اكىمى 4 جىل 5 ايعا باس بوستاندىعىنان ايىرىلدى، دەپ حابارلايدى Egemen.kz.

ەكس-اكىم قۋانىش ازىحانوۆقا پارا الدى دەگەن ايىپ تاعىلدى. اياگوز اۋداندىق سوتىنىڭ مالىمەتىنشە، 2020 جىلدىڭ 16 جانە 17 قىركۇيەگىندە قالا باسشىسى «كوركەم» جك مەردىگەر ۇيىمىنان ورىندالعان جۇمىستار اكتىسىنە قول قويعانى ءۇشىن 1 ميلليون 200 مىڭ تەڭگە كولەمىندە پارا العان. مەردىگەر تابيعي اپات سالدارىنان زارداپ شەككەن تۇرعىن ۇيلەردى قالپىنا كەلتىرۋمەن اينالىسقان.

قالا باسشىسى قىزمەتتىك كابينەتىندە ۇستالعان بولاتىن. الايدا بۇرىنعى اكىم اقشانى قارىزعا العانىن ايتىپ، كىناسىن مويىنداماعان.

«سوتتالۋشىنىڭ كىناسىن كۋاگەرلەردىڭ ايعاقتارى، جاسىرىن تەرگەۋ ارەكەتتەرىنىڭ ناتيجەسى، اڭگىمە ستەنوگراممالارى مەن بەينەجازبالار جانە زاتتاي ايعاقتار راستادى. كۋاگەر سوتتالۋشى اقشانى قارىزعا الدى دەگەندى تەرىسكە شىعاردى. ول ورىندالعان جۇمىستاردىڭ اكتىلەرىنە قول قويۋ ءۇشىن اقشا بەرگەنىن راستادى. قر قىلمىستىق كودەكسىنىڭ 366-بابى، 2-بولىگىنىڭ سانكتسياسى 3 جىلدان 7 جىلعا دەيىنگى مەرزىمگە باس بوستاندىعىنان ايىرۋ تۇرىندەگى جازانى كوزدەيدى. سوت قىلمىستىق جاۋاپتىلىقتى جەڭىلدەتەتىن ءمان-جايلاردى انىقتاعان جوق»، دەدى سوت وكىلدەرى.

ايتا كەتەيىك، تەرگەۋ 9 ايعا سوزىلدى. وسى ۋاقىت ىشىندە ءىس بويىنشا ءۇش سۋديا اۋىسقان. سونداي-اق دەرەكتەردى بۇرمالاعانى ءۇشىن سىبايلاس جەمقورلىققا قارسى قىزمەتتىڭ تەرگەۋشىلەرى جاۋاپقا تارتىلعان.

پروكۋرور سۋديادان بۇرىنعى باسشىنى 5 جىلعا باس بوستاندىعىنان ايىرۋدى سۇرادى. بىراق سوت بارلىق جاعداي نەگىزىندە ايىپتالۋشىنى مەملەكەتتىك قىزمەتتە جۇمىس ىستەۋ قۇقىعىنان ءومىر بويىنا ايىرا وتىرىپ، 4 جىل 5 اي مەرزىمگە باس بوستاندىنان ايىرۋ جازاسىن تاعايىندادى. ۇكىم ءالى زاڭدى كۇشىنە ەنگەن جوق.

سوڭعى جاڭالىقتار

«شىڭىراۋ» شىڭعا شىقسىن

ونەر • بۇگىن، 00:18

تىڭ تاسىلدەردىڭ ءتيىمدى تۇسى كوپ

مەديتسينا • بۇگىن، 00:14

پاسپورت

رۋحانيات • كەشە

جەكە پەسا جازۋعا لايىق

رۋحانيات • كەشە

انا مەيىرىمى

قوعام • كەشە

دوللار ارزاندادى

قارجى • كەشە

ۇقساس جاڭالىقتار