الماتىنىڭ باس مەملەكەتتىك سانيتارلىق دارىگەرى جانداربەك بەكشين بۇگىندە قالانىڭ ءالى دە «قىزىل» ايماقتا ەكەنىن, مۋتاتسيالانعان شتاممداردىڭ 84%-عا دەيىن وسكەنىن ەسكە سالدى.
«ونىڭ ۇستىنە, مامىر ايىنىڭ سوڭعى اپتاسىندا جۇقتىرۋ كورسەتكىشى تومەندەگەنى بايقالدى, وتكەن تاۋلىكتەردە تىركەلگەن جاعدايلار 700-دەن 290-300-گە دەيىن ازايعان», دەپ حابارلادى ج. بەكشين.
الماتىنىڭ باس سانيتارلىق دارىگەرى تاۋلىكتىڭ ءوسىمنىڭ 3 ەسەگە دەيىن ازايعانىن, اۋرۋ كورسەتكىشىنىڭ سوڭعى 7 كۇندە 7,7%-عا تومەندەگەنىن اتاپ ءوتتى.
«مامىردىڭ ورتاسىندا سيمپتومدى سىرقاتتار قاتارى ازايدى, ولاردىڭ 10%-عا دەيىن تومەندەگەنى بايقالدى. الايدا, كۆي-ءدىڭ سيمپومسىز فورماسىن جۇقتىرۋشىلاردىڭ تىركەلۋى 12%-عا دەيىن ءوستى», دەپ جالعاستىردى ج. بەكشين.
سانيتارلىق-ەپيدەميولوگيالىق باقىلاۋ دەپارتامەنتى باسشىسىنىڭ ايتۋىنشا, كوروناۆيرۋستىڭ ءۇشىنشى تولقىنىنىڭ باسەڭدەۋىنە كارانتيندىك شەكتەۋلەردىڭ ەنگىزىلگەنى وڭ اسەر ەتكەن. 20%-دىق يممۋندىق قاباتتى قالىپتاستىرۋ ينفەكتسيانىڭ تارالۋىنىڭ الدىن الدى, ونىڭ ىشىندە 14,8%-ى ۆاكتسينالانعان جانە 5%-ى سوڭعى جارتى جىلدا اۋىرىپ-جازىلعاندار.
سوندىقتان ج. بەكشين قالا تۇرعىندارىن سانيتارلىق-ەپيدەميولوگيالىق قاۋىپسىزدىك شارالارىن قاتاڭ ساقتاۋعا جانە كوروناۆيرۋسقا قارسى تۇرۋدىڭ جالعىز جولى ەكپە سالدىرۋ ەكەنىن ايتىپ, ۆاكتسينالانۋعا شاقىردى.
