تۇركىستان وبلىسىنىڭ قۇتقارۋشىلارى تولەبي اۋدانىنداعى سايرام-وگەم مەملەكەتتىك ۇلتتىق تابيعي پاركىنىڭ اۋماعىندا جوعالعان 7 ادامدى ىزدەستىرۋ جۇمىستارىن جۇرگىزىپ جاتىر. ولاردىڭ جوعالعانى تۋرالى حابارلاما «112» پۋلتىنە 2021 جىلدىڭ 25 مامىرىندا ساعات 18:30-دا تۇسكەن. 21 مامىردا تۋريستەر «سارى-ايعىر» شاتقالىنا جاياۋ بەت العان. قۇتقارۋشىلارعا حابارلاسقان ادامنىڭ ايتۋىنشا, ولار 24 مامىردا ۇيگە ورالۋى كەرەك بولعان.
«وتكەن تاۋلىكتە ىزدەستىرۋ توپتارى 37 شاقىرىمعا جۋىق تاۋلى ايماقتى جاياۋ ارالادى. ەكى پيلوتسىز ۇشۋ اپپاراتى ارقىلى 4 شاقىرىم راديۋستا شولۋ جۇرگىزىلدى. ىزدەستىرۋ جۇمىستارىنا تۇركىستان وبلىسى تج دەپارتامەنتىنىڭ 25 قۇتقارۋشىسى, 2 كۆادراكوپتەرى جانە 7 تەحنيكاسى جۇمىلدى. سونداي-اق پوليتسيا دەپارتامەنتىنىڭ 4 قىزمەتكەرى مەن 1 تەحنيكاسى, جەرگىلىكتى اتقارۋشى ورگانداردىڭ 2 قىزمەتكەرى مەن 1 تەحنيكاسى, ۇقك شەكارا قىزمەتىنىڭ 3 ات ءپاترۋلى, ۇلتتىق پاركتىڭ 10 قىزمەتكەرى مەن جوعالعانداردىڭ تۋىستارى ىزدەستىرۋ جۇمىستارىن جۇرگىزىپ جاتىر», دەلىنگەن حابارلامادا.
تۇمان, الا بۇلت, تاۋلى جەرلەردەگى نايزاعايعا بايلانىستى «قازاۆياقۇتقارۋ» اق تىكۇشاعىن شىمكەنت قالاسىنان اۋەگە كوتەرۋ مۇمكىن بولماعان.
