«وڭىردە سوڭعى التى جىلدا ەلدى مەكەندەردى سۋمەن جابدىقتاۋ ماسەلەسىندە وڭ وزگەرىستەر بولدى. ماسەلەن, بۇگىنگى تاڭدا ايماق بويىنشا ورتالىقتاندىرىلعان سۋعا قول جەتكىزۋ كورسەتكىشى 92,8%-دى قۇراپ وتىر. 2015 جىلدان باستاپ «اقبۇلاق» باعدارلاماسى اياسىندا بارلىق قالا-اۋدانداردىڭ تۇرعىندارىن سۋمەن جابدىقتاۋ جولعا قويىلدى», دەدى ول.
قازىردە 683 ەلدى مەكەننىڭ 529-ىندا ساپالى اۋىزسۋ بار. حالىقتى اۋىزسۋمەن قامتاماسىز ەتۋ كورسەتكىشى التى جىل ىشىندە 65,1%-دان 83,2%-عا ءوستى. وتكەن جىلى بۇل ماقساتتا 152 جوبا ىسكە اسىرىلعان.
«وسىنىڭ ناتيجەسىندە 2020 جىلى 17,5 مىڭنان استام ادام ورتالىقتاندىرىلعان سۋمەن قامتاماسىز ەتىلدى. بۇنىمەن جۇمىستار توقتاپ قالمايدى. بيىل 98 جوبانى ىسكە قوسۋ جوسپارلانعان», دەدى المات اقىشەۆ.
2022-2024 جىلدارى 40 مىڭ ادام تۇراتىن 73 ەلدى مەكەندى سۋمەن جابدىقتاۋ كوزدەلىپ وتىر. دەمەك, 2024 جىلى وبلىس تۇرعىندارى تولىقتاي ورتالىقتاندىرىلعان سۋمەن قامتاماسىز ەتىلەدى.
«وبلىسىمىز سوڭعى جىلدارى سۋمەن جابدىقتاۋ ماسەلەسىن شەشۋدە ىلگەرى قاداپ جاساپ كەلەدى. بۇل كوڭىل كونشىتەرلىك كورسەتكىش», دەدى شقو اكىمى دانيال احمەتوۆ.
