بيىلعى ماۋسىمنان باستاپ فۋتبولدان قازاقستان كۋبوگىنىڭ فورماتى وزگەرگەنى بەلگىلى. بۇرىن ءار كەزەڭدە قارسىلاستار جەرەبە ارقىلى انىقتالىپ وتىراتىن بولسا, وسى جىلدان باستاپ العاش ءبىرىنشى جانە ەكىنشى ليگا وكىلدەرى ءوزارا ىرىكتەۋ ويىندارىن وتكىزىپ, توپتىق كەزەڭگە وزگەلەردەن مىقتى بولعان ەكى كوماندا جولداما الدى. ىرىكتەۋ قورىتىندىسى بويىنشا, №8 بجمورسم جانە «ماقتاارال» كوماندالارى توپتىق كەزەڭدە باق سىنايتىن بولدى. اتالعان ەكى كلۋب ەل چەمپيوناتىنىڭ 14 وكىلىنە قوسىلىپ, 4 توپقا ءبولىندى.
جەرەبە قورىتىندىسى بويىنشا, ءتورت توپتا مىنا كوماندالار وينايتىن بولدى:
«ا» توبى: «شاحتەر», «ورداباسى», «قىزىل-جار», №8 بجمورسم;
«ۆ» توبى: «توبىل», «تاراز», «اتىراۋ», «ماقتاارال»;
«س» توبى: «استانا», «قايسار», «اقتوبە», «اقجايىق»;
«D» توبى: «قايرات», «جەتىسۋ», «كاسپي», «تۇران».
ء ار كوماندا توپتا 6 ويىن وتكىزەدى («ۇيدە» جانە «قوناقتا» فورماتى بويىنشا). توپتىڭ ەكى ۇزدىك كومانداسى ءتۋرنيردىڭ ¼ فينالىنا شىعادى. قازاقستان كۋبوگىنىڭ توپتىق كەزەڭىندەگى ويىندار 10 شىلدەدە باستالادى.
