ع.ءپىرماتوۆتىڭ ايتۋىنشا, «قازاتومونەركاسىپ» ۇلتتىق كومپانياسى ءوزىنىڭ اتوم سالاسىنداعى سەنىمدى سەرىكتەس ءارى وتىن جەتكىزۋشى مارتەبەسىن نىعايتىپ, ەڭ ءىرى تابيعي ۋران ساتۋشى رەتىندەگى ورنىن ساقتاپ قالدى. جاھاندىق پاندەميانىڭ سىن-قاتەرلەرىنە قاراماستان, كومپانيا 2020 جىلعا جوسپارلانعان بارلىق كورسەتكىشتەرگە قول جەتكىزدى, كەيبىرەۋى بويىنشا جوسپار اسىرا ورىندالدى. بىلتىرعى جىلدىڭ قورىتىندىسى بويىنشا ءتۇسىم – 587,5 ميلليارد تەڭگەگە, ال تازا پايدا 221 ميلليارد تەڭگەگە جەتتى. كومپانيانىڭ 2018-2021 جىلدار كەزەڭىندەگى ديۆيدەندتەرىنىڭ جالپى سوماسى 491 ميلليارد تەڭگەنى قۇرايدى.
سونداي-اق نۇرسۇلتان نازارباەۆقا حولدينگ كاسىپورىندارىنداعى ۆاكتسيناتسيا قارقىنى تۋرالى, كومپانيانىڭ ءىرى جوبالارىنىڭ جۇزەگە اسىرىلۋى, سونىڭ ىشىندە جىلۋ بولەتىن قۇرامالار شىعارۋ زاۋىتىنىڭ ىسكە قوسىلۋى جونىندە باياندالدى.
