«مينيسترلىك نەگىزگى ءۇش باعىت بويىنشا جۇمىس جۇرگىزىپ جاتىر. ءبىرىنشى – ينتەرنەتتەگى ءدىني ەكسترەميزم يدەولوگياسىنا قارسى كۇرەس, ەكىنشى – ناقتى ماقساتتى توپتارمەن اقپاراتتىق-ءتۇسىندىرۋ جۇرگىزۋ, ءۇشىنشى – جات ءدىني اعىم قۇرباندارىن وڭالتۋ جۇمىستارى», دەدى اقپارات جانە قوعامدىق دامۋ ءمينيسترى ايدا بالاەۆا.
ونىڭ ايتۋىنشا, راديكالدى ءدىني اعىمدار يدەولوگياسى نەگىزىنەن ينتەرنەت رەسۋرستار ارقىلى تارالادى. بۇل رەتتە, ەكسترەميستىك ءدىني اقپاراتتىڭ الدىن الۋ ماقساتىندا ينتەرنەت جەلىلەرىنە ۇدايى مونيتورينگ جۇرگىزىلەدى. بىلتىر وسىنداي 73 000 دەسترۋكتيۆتى ماتەريال بۇعاتتالىپ, باق پەن الەۋمەتتىك جەلىلەر ارقىلى 80 000-نان استام ءدىني اعارتۋ جۇمىستارى جاريالاندى.
حالىققا ساپالى ءدىني اقپارات بەرۋ ماقساتىندا بۇگىندە 229 ءتۇسىندىرۋ-ناسيحات توبى بار. جوعارى ساۋاتتى, كاسىبي ساراپشىلاردان تۇراتىن ۇگىت-ناسيحات توبى 1,5 ميلليون حالىقتى قامتىعان 16000-نان استام ناقتى اعارتۋ شارالارىن جۇرگىزدى. اسىرەسە راديكالدى ءدىني اعىمدار ىقپالىنا ءتۇسۋ قاۋپى جوعارى ناقتى ماقساتتى توپتارمەن جۇمىسقا باسا ءمان بەرىلدى», دەدى مينيستر ا. بالاەۆا.
