«جىل سوڭىنا دەيىن شەكارالاس ايماقتارعا Qazaq راديوسى مەن «شالقار» راديوسىن تاراتۋدى قامتاماسىز ەتەتىن 107 راديو تاراتقىش ورناتىلادى. ناتيجەسىندە 630 مىڭنان استام ادام تۇراتىن تۇركىستان, جامبىل جانە شىعىس قازاقستان وبلىستارىنىڭ شەكارالاس اۋماقتارىنداعى 400-دەن استام اۋىل وتاندىق راديوارنالاردىڭ باعدارلامالارىن تىڭداۋعا مۇمكىندىك الادى», دەدى اقپارات جانە الەۋمەتتىك دامۋ ءمينيسترى ايدا بالاەۆا.
ءمينيستردىڭ ايتۋىنشا, جول كارتاسىن ىسكە اسىرۋ ناتيجەسىندە 2025 جىلعا دەيىن شەكارالاس وبلىستار تۇرعىندارىنىڭ 95%-ى راديومەن قامتىلاتىن بولادى.
«مەملەكەت باسشىسىنىڭ اقپاراتتىق تەحنولوگيانىڭ يدەولوگيالىق مازمۇنى تۋرالى اعىمداعى تاپسىرمالارىن ەسكەرە وتىرىپ, وتاندىق تەلەارنالار بەلسەندى شارالار قابىلداۋدا. اتاپ ايتقاندا, وتكەن جىلى تاريحي باعدارلاردى سەريالى تۇردە شىعارۋ جۇمىستارى باستالدى, بۇل وسى تاقىرىپتىڭ ۇلەسىن 30% ارتتىرادى», دەپ تولىقتىردى ايدا بالاەۆا.
