«وتاندىق باق ومىرىندەگى ماڭىزدى وقيعا ەلدەگى ەڭ ءىرى باسىلىمداردىڭ – «ەگەمەن قازاقستان» مەن «كازاحستانسكايا پراۆدا»-نىڭ بىرىگۋى بولدى. وسى جىلدىڭ سوڭىنا دەيىن «ەگەمەن قازاقستان» رگ» اق مەن «قازاق گازەتتەرى» جشس بىرىكتىرىلىپ, «قازاق گازەتتەرى» بىرىڭعاي برەندىمەن جۇمىس ىستەيتىن بولادى», دەدى ايدا بالاەۆا ەسەپ بەرۋ كەزدەسۋىندە.
مينيستر اتاپ وتكەندەي, بۇل شارالار مەملەكەتتىك باسىلىمدارعا بىرلەسكەن جاڭا جوبالاردى جۇزەگە اسىرۋعا مۇمكىندىك بەرەدى.
«اعىمداعى جىلدىڭ تاعى ءبىر ماڭىزدى وقيعاسى – ەڭ كونە بۇقارالىق اقپارات قۇرالدارىنىڭ ءبىرى قازاق راديوسىنىڭ ءجۇز جىلدىق مەرەيتويى. بۇگىندە ونىڭ باعدارلامالارى بۇكىل ەلدە تىڭدالادى, راديوحابارلارمەن قامتۋ ەل اۋماعىنىڭ 90%-ىن قۇرايدى. جاقىن ارادا ەلىمىزدىڭ جەتەكشى جوعارى وقۋ ورىندارىندا قازاق راديوسىنىڭ اۋديتورياسىن اشۋ جانە ورىنبور قالاسىندا مەموريالدىق تاقتا ورناتۋ جوسپارلانىپ وتىر», دەدى ايدا بالاەۆا.
