ايماقتار • 26 مامىر، 2021

ەلوردادا ءبىر تاۋلىكتە 53 ءورت بولدى

34 رەت كورسەتىلدى

ەلوردالىق ءورت سوندىرۋشىلەر تەرەك مامىعىنىڭ جانۋىنا بايلانىستى ءبىر تاۋلىكتە 53 رەت ءورتتى سوندىرگەن، دەپ حابارلايدى Egemen.kz.

«قازگيدرومەت 25-26 مامىردا قالاداعى اۋا تەمپەراتۋراسىنىڭ 36 گرادۋسقا دەيىن كوتەرىلەتىنىن ەسكەرتتى. قالاداعى قۇرعاق ىستىق كۇن رايىنان ءورت قاۋپى كۇشەيە تۇسەدى. سونىمەن بىرگە، تەرەكتەر مامىعى جاعدايدى كۇردەلەندىرە تۇسكەن. تىركەلگەن وقيعالاردىڭ كوپشىلىگى ادام كىناسىنەن بولعان. ءبىر عانا 24 مامىردا نۇر-سۇلتان قالاسى توتەنشە جاعدايلار دەپارتامەنتىنىڭ ءورت ءسوندىرۋ بولىمشەلەرى تەرەك مامىعىنىڭ جانۋىنا بايلانىستى 53 رەت ءورت ورىندارىنا شىقتى»، دەدى قالالىق تج دەپارتامەنتى مەملەكەتتىك ءورت باقىلاۋ باسقارماسىنىڭ باسشىسى ەركىن وتارعالىم ۇلى.

حالىقتىڭ وتتى ابايسىز پايدالانۋى، تەمەكىنىڭ، سىرىڭكەنىڭ شالاسى ورتكە اكەپ سوقتىقتىرادى. سونداي-اق بالالار دا قىزىق ءۇشىن تەرەك مامىعىن ورتەپ جىبەرەدى.

تج دەپارتامەنتى تەرەك مامىعى ءورتىن بولدىرماۋ جانە ازايتۋ ماقساتىندا كوممۋنالدىق قىزمەتتەردىڭ، پاتەر يەلەرى كووپەراتيۆتەرىنىڭ اۋلالاردى، تروتۋارلاردى، سونداي-اق وتتىڭ تەز تارالۋ قابىلەتىنە بايلانىستى تەرەك مامىعى جينالاتىن باسقا دا ورىنداردى تازالاۋ جۇمىستارىن كۇشەيتۋ قاجەتتىگىن ەسكەرتەدى.

 

سوڭعى جاڭالىقتار

عارىشتان انىقتالعان قوقىستار

ەكولوگيا • بۇگىن، 08:24

ۆيرۋس جۇقتىرۋ توقتاماي تۇر

كوروناۆيرۋس • بۇگىن، 08:16

ءورت سوندىرگەن وجەتتەر

ايماقتار • بۇگىن، 08:12

ەرلىككە بەرگىسىز ەڭبەك

قوعام • بۇگىن، 08:09

جاساندى جۇرەك سالىندى

الەم • بۇگىن، 08:02

نۇروتاندىقتاردىڭ ايقىن جەڭىسى

ساياسات • بۇگىن، 07:43

ۇقساس جاڭالىقتار