ايماقتار • 26 مامىر, 2021

قابانباي باتىر داڭعىلىنداعى «سەرگەك» قايتا قوسىلدى

134 رەت
كورسەتىلدى
1 مين
وقۋ ءۇشىن

«نۇر-سۇلتان قالاسىنىڭ كولىك جانە جول-كولىك ينفراقۇرىلىمىن دامىتۋ باسقارماسى» مم وسى جىلدىڭ 26 مامىرىنان باستاپ «سەرگەك» اوك قابانباي باتىر داڭعىلى بويىنداعى اينالما جول ايىرىعىنان (قارقارالى تاس جولى) سىعاناق كوشەسىنە دەيىنگى ۋچاسكەدە قوعامدىق كولىك جولاعىمەن جۇرگەندەردى تىركەيتىن بولادى, دەپ حابارلايدى Egemen.kz ەلوردا اكىمدىگىنىڭ رەسمي سايتىنا سىلتەمە جاساپ.

قابانباي باتىر داڭعىلىنداعى «سەرگەك» قايتا قوسىلدى

اتالعان باعىتتا ءتيىستى جول بەلگىلەرى ورناتىلدى. سول سياقتى ارنايى اۆتوبۋس جولاعىنىڭ بار ەكەنى تۋرالى اقپارات بەرەتىن جول بەلگىلەرى سالىندى. بۇل تالاپتاردى ساقتاۋ — مىندەت.

«ەلوردا تۇرعىندارى مەن قوناقتارىنىڭ بارىنشا مۇقيات بولۋىن جانە جول قوزعالىسىن رەتتەيتىن تالاپتاردى ساقتاي وتىرىپ كولىك جۇرگىزۋىن سۇرايمىز», دەلىنگەن ءتيىستى باسقارمانىڭ حابارلاماسىندا.

سوڭعى جاڭالىقتار