25 مامىر كۇنگى اقپارات بويىنشا, ءبىر تاۋلىكتە قالادا 310 ادام كوروناۆيرۋس جۇقتىرعان. مۇنىڭ ىشىندە سيمپتومدى, جەڭىل جانە ورتاشا دەڭگەيدەگى بەلگىلەرمەن – 264, سيمپتومسىز – 46 ناۋقاس تىركەلدى.
قوعامدىق دەنساۋلىق ساقتاۋ باسقارماسىنىڭ ءباسپاسوز قىزمەتى حابارلاعانداي, بارلىق ەمدەلىپ شىعارىلعاندار – 286, كەلىپ تۇسكەنى – 113. ينفەكتسيالىق ستاتسيونارلاردا 2 129 ادام بار (توسەك-ورىننىڭ جالپى سانى – 5 940), ونىڭ ىشىندە 65 بالا ەمدەلىپ جاتىر.
سونداي-اق رەانيماتسيا جانە قارقىندى تەراپيا بولىمىندە 153 ادام جاتىر. ال 23 ناۋقاس جاساندى تىنىس الۋ اپپاراتىنا قوسىلعان. ءينۆازيۆتى ەمەس جاساندى تىنىس الۋ اپپاراتىندا 58 ادام ەم قابىلداۋدى جالعاستىرۋدا. High flow-دا 50 اپپارات جۇمىس ىستەيدى.
مەديتسينالىق-سانيتاريالىق العاشقى كومەك ءموبيلدى بريگادالارىنىڭ جانە تەلەمەديتسينا ورتالىعىنىڭ امبۋلاتوريالىق باقىلاۋىندا 2349 پاتسيەنت بار. ونىڭ ىشىندە ىندەت بەلگىلەرى بار, ورتاشا اۋىر جاعدايدا 2045 ناۋقاس. 304 ادامدا كوروناۆيرۋس بەلگىلەرى جوق.
