الەمدىك جانە ءداستۇرلى دىندەرگە ارنالعان تاقىرىپتىق فوتوكورمەلەر سەرياسىنداعى ەكىنشى فوتوكورمە جالپى ادامزاتقا ورتاق رۋحاني قۇندىلىقتاردى دارىپتەۋگە, الەمدەگى ءتۇرلى حالىق دىندەرى مەن مادەنيەتتەرىنە دەگەن تولەرانتتىلىق كوزقاراستى قالىپتاستىرۋعا باعىتتالعان.
ءىس-شارانىڭ اشىلۋ سالتاناتىنا قازاقستان رەسپۋبليكاسىنىڭ اقپارات جانە قوعامدىق دامۋ ۆيتسە-ءمينيسترى س. ەگىزباەۆ, كونفەسسياارالىق جانە وركەنيەتارالىق ديالوگتى دامىتۋ جونىندەگى ن.نازارباەۆ ورتالىعىنىڭ باسقارما توراعاسى ب.سارسەنباەۆ, قازاقستانداعى اپوستولدىق نۋنتسيو فرەنسيس اسسيزي چۋلليكاتت, قازاقستان ميتروپوليتتىك وكرۋگىنىڭ شىركەۋ-قوعام بايلانىس ءبولىمى توراعا ورىنباسارى, ۋسپەن كافەدرالدى سوبورىنىڭ كليۋچاريى, پروتويەرەي د. بايدەك قاتىسىپ, قۇتتىقتاۋ ءسوز سويلەدى.
سونداي-اق ءىس-شاراعا مەملەكەتتىك ورگانداردىڭ, ءدىني بىرلەستىكتەردىڭ, برازيليا, گرۋزيا, يندونەزيا, موڭعوليا, ومان جانە رەسەي ەلدەرىنىڭ شەتەلدىك ديپلوماتيالىق ميسسيالارى مەن جەتەكشى رەسپۋبليكالىق بۇقارالىق اقپارات قۇرالدارىنىڭ وكىلدەرى قاتىستى.
فوتوكورمەنىڭ العىسوزىندە ن.نازارباەۆ ورتالىعىنىڭ باسقارما توراعاسى بولات سارسەنباەۆ تاۋەلسىزدىك جىلدارىندا قازاقستان دىندەر ديالوگى ماسەلەسىندە ايتارلىقتاي جەتىستىكتەرگە قول جەتكىزگەنىن ايتتى.
«ەل اۋماعىندا تاتۋ-ءتاتتى ءومىر ءسۇرىپ جاتقان بارلىق ەتنوستاردىڭ, ءتۇرلى كونفەسسيالار مەن ءدىن وكىلدەرىنىڭ بىرلىگى - بۇل ەڭ ۇلكەن جەتىستىك پەن قۇندى بايلىقتاردىڭ ءبىرى», دەدى سپيكەر.
ورتالىق باسقارما توراعاسى ب.سارسەنباەۆ ەلباسىمىز ن.نازارباەۆتىڭ بىرەگەي ديالوگ الاڭى - الەمدىك جانە ءداستۇرلى دىندەر ليدەرلەرىنىڭ سەزىن قۇرۋداعى ايرىقشا ءرولىن, سونداي-اق مەملەكەت باسشىسى ق.توقاەۆتىڭ قازاقستاندى جاھان ورتالىعى رەتىندەگى ىلگەرىلەتۋدەگى دايەكتى ساياساتىنا توقتالدى. سونىمەن قاتار فوتوكورمەگە جينالعان قاۋىمعا ورتالىقتىڭ باسىم باعىتتارى مەن ءىس-شارالارى, بيىلعى سەزد حاتشىلىعىنىڭ ءحىح وتىرىسى, سونداي-اق 2022 جىلى وتەتىن الەمدىك جانە ءداستۇرلى دىندەر ليدەرلەرى سەزىنە دايىندىق بارىسى تۋرالى اقپارات بەردى.
ءىس-شارادا قازاقستان رەسپۋبليكاسى اقپارات جانە قوعامدىق دامۋ ۆيتسە-ءمينيسترى س.ەگىزباەۆ ءوزىنىڭ قۇتتىقتاۋ سوزىندە ءارتۇرلى ءدىن وكىلدەرىن ءبىر شاڭىراق استىنا جيناعان قازاقستان ءوزىنىڭ تۇتاس تاريحىندا ۇلتارالىق تاتۋلىقتى, دىنارالىق تەپە-تەڭدىكتى ارقاشان ساقتاپ كەلە جاتقاندىعىن اتاپ ءوتتى. تۇراقتى قوعام قۇرۋدا ءوز جەتىستىكتەرىمىزدى ساقتاۋ وتە ماڭىزدى, سوندىقتان پوليەتنيكالىق, پوليكونفەسسيونالدىق جاسامپازدىق پەن دامۋ فاكتورىنا اينالۋدىڭ ماڭىزى زور.
سونىمەن قاتار قازاقستانداعى اپوستولدىق نۋنتسيو فرەنسيس اسسيزي چۋلليكاتت 29 جىل ىشىندە قالىپتاسقان قازاقستان مەن ۆاتيكان اراسىنداعى ديپلوماتيالىق قاتىناستاردىڭ ماڭىزدىلىعىن جوعارى باعالاپ, بۇل جىلدار ەكى ەل ءۇشىن ءوزارا كەلىسىم مەن تەرەڭ سەنىمدىلىكتىڭ ناقتى راستاۋى بولعانىن اتاپ ءوتتى.
سالتاناتتى ءراسىمنىڭ سوڭىندا ءىس-شاراعا قاتىسۋشىلار الەمدىك جانە ءداستۇرلى دىندەر ليدەرلەرى سەزىنە قاتىسۋشىلاردىڭ, ن.نازارباەۆ ورتالىعىنىڭ حالىقارالىق سەرىكتەستەرىنىڭ, سونىڭ ىشىندە پراۆوسلاۆيە شىركەۋى ۇسىنعان, نۇر-سۇلتانداعى ريم-كاتوليك اۋليە ماريا ارحيەپيسكوپى, قازاقستاننىڭ ەۆانگەليالىق ليۋتەران شىركەۋى, ماسكەۋ پاتريارحاتى دىنارالىق قاتىناستار شىركەۋىنىڭ سىرتقى بايلانىسى ءبولىمى جانە «كازاحستانسكايا پراۆدا» رەسپۋبليكالىق گازەتى ۇسىنعان سۋرەتتەرمەن تانىس بولدى.
ەستەرىڭىزگە سالا كەتەيىك, «بەيبىتشىلىك پەن كەلىسىم جولى» فوتوكورمەسى بارلىق كارانتيندىك ساقتىق شارالاردى ساقتاي وتىرىپ, 2021 جىلدىڭ 25 ماۋسىمىنا دەيىن بەيبىتشىلىك جانە كەلىسىم سارايىندا جۇمىس ىستەيدى.
