سان-پاۋلۋ ۋنيۆەرسيتەتىنىڭ زەرتتەۋشىلەرى ونى ءبىرىنشى موكوكادان الىنعان سىنامادان انىقتادى, كەيىن ول پورتۋ-فەررەيرادا كەڭىنەن تاراعان, ەكى ەلدى مەكەن دە سان-پاۋلۋ شتاتىندا ورنالاسقان. بۇگىندە كوروناۆيرۋستىڭ جاڭا ءتۇرى ەلدىڭ ەڭ باي جانە حالقى كوپ شتاتىنىڭ ون قالاسىندا انىقتالعان.
ۋنيۆەرسيتەتتىڭ زەرتتەۋ دەرەكتەرى تۇماۋ مەن كوروناۆيرۋس گەنومدارى تۋرالى اقپاراتقا ەركىن قول جەتكىزۋ ءۇشىن حالىقارالىق GISAID ۇيىمىنا جىبەرگەن, وندا ۆيرۋستىڭ بۇل تۇرىنە P4 دەگەن اتاۋ بەرىلدى.
برازيليا ۆيرۋسولوگيا قوعامىنىڭ ۆيتسە-پرەزيدەنتى جواو پەسسوا اراۋجۋدىڭ ايتۋىنشا, P4 كادىمگى ۆيرۋسقا قاراعاندا قاۋىپتى ەكەنىن نەمەسە ودان دا قاتتى جۇعار-جۇقپاسىن انىقتاۋ ازىرشە مۇمكىن ەمەس. ساراپشىلاردىڭ پىكىرىنشە, ول «برازيليالىق» P1 جانە P2, سونداي-اق «فيليپپيندىك» P3 شتامىنا ۇقساس.
ء«بىزدى ونىڭ تەز تاراۋى قاتتى الاڭداتىپ وتىر», دەدى برازيليالىق ۆيرۋسولوگ.
بۇعان دەيىن برازيليادا كوروناۆيرۋستىڭ ەكى شتامىن ءبىر مەزگىلدە جۇقتىرۋدىڭ ەكى جاعدايى تىركەلگەن. ساراپشىلاردىڭ ايتۋىنشا, «برازيليالىق» كوروناۆيرۋس جاستارعا قاۋىپتى, ويتكەنى جاس ناۋقاستار ۇزاق ۋاقىت كۇتىپ, كەيىن عانا مەديتسينالىق كومەككە جۇگىنەدى.
