ونىڭ ايتۋىنشا, ۋچاسكەلىك پۋنكتتەردىڭ ورنالاسۋىنا ەرەكشە نازار اۋدارىلاتىن بولادى. قازىر قالالىق ۋچاسكەلەردەگى جۇمىس ورىندارىنىڭ شامامەن 30% قىزمەت كورسەتۋ ۋچاسكەلەرىنەن الىس ورنالاسقان, كەيدە 2,5 كم اسادى. ناتيجەسىندە ازاماتتاردىڭ كوبىنەسە ۋچاسكەلىك ينسپەكتورعا جەكە بارۋ مۇمكىندىگى جوق.
سوندىقتان ۋچاسكەلىك ينسپەكتورلاردىڭ ورنالاسقان جەرلەرىن قىزمەت كورسەتىلەتىن ۋچاسكەلەرگە بارىنشا جاقىنداتۋ ماسەلەلەرى پىسىقتالۋدا.
قازاقستاندا ۋچاسكەلىك ينسپەكتورلار شتاتى 5900 قىزمەتكەردەن, سونداي-اق 600-دەن اسا كومەكشىدەن تۇرادى.
«قاجەتتى الەۋمەتتىك پاكەتتى قالىپتاستىرۋ كادرلىق قۇرامنىڭ ساپاسىن ارتتىرۋعا جانە سىبايلاس جەمقورلىق تاۋەكەلدەرىن ازايتۋعا ىقپال ەتەدى, سايكەسىنشە قىزمەتتىڭ تارتىمدىلىعى دا ارتادى. ۇزدىكتەردى ىرىكتەۋ ءۇشىن ۇمىتكەرلەرگە قويىلاتىن بىلىكتىلىك تالاپتارى, ونىڭ ىشىندە بوس جۇمىس ورىندارىنا ورنالاسۋعا قويىلاتىن تالاپتار ارتتى. سوندىقتان 2019 جىلى ۋچاسكەلىك ينسپەكتورلاردىڭ ەڭبەكاقىسى 25%-عا ءوستى. اعىمداعى جىلدىڭ باسىنان باستاپ ولاردىڭ كومەكشىلەرىنىڭ جالاقىسى 30%-عا كوبەيدى. قازىر ۋچاسكەلىك ينسپەكتورلاردىڭ ەڭبەكاقىسىنىڭ مولشەرى 177 مىڭنان 260 مىڭ تەڭگەگە دەيىن. سونىمەن قاتار كەلەسى جىلدان باستاپ ۋچاسكەلىك ينسپەكتورلاردىڭ ەڭبەكاقىسى تاعى 30%, ال ولاردىڭ كومەكشىلەرىنىڭ ەڭبەكاقىسى 7%-عا كوتەرىلەدى», دەپ اتاپ ءوتتى بايمۇقاشەۆ ءوز سوزىندە.
سونىمەن قاتار, 2019 جىلدىڭ شىلدەسىنەن باستاپ ۋچاسكەلىك ينسپەكتورلارعا تۇرعىن ءۇي جالعا العانى ءۇشىن وتەماقى تولەنەدى. اعىمداعى جىلدىڭ 1 قاڭتارىنان باستاپ بۇل تىزىمگە ۋچاسكەلىك كومەكشىلەر دە ەنگىزىلدى. 1 ساۋىردەن باستاپ ولار بۇل تۇرعىن ءۇي تولەمدەرىن تۇرعىن ءۇيدى ساتىپ الۋ ءۇشىن تولەمدەردى ءبولىپ تولەۋ نەمەسە يپوتەكالىق نەسيە بەرۋ ارقىلى پايدالانا الادى.
