تسوي قازاقستانداعى كوروناۆيرۋس تاراۋى بويىنشا ءۇش بولجام ايتتى.
«پەسسيميستىك ستسەناري بويىنشا, ۆاكتسيناتسيانىڭ تيىمدىلىگى كەم دەگەندە 60 پايىز بولسا, 2021 جىلعى ماۋسىم-قىركۇيەكتە تىركەلگەن جاعدايلار سانى 95 مىڭعا جۋىق ادام بولادى.
ەكىنشى, شىنايى ستسەناري بويىنشا ۆاكتسينالاۋدىڭ تيىمدىلىگى كەمىندە 80 پايىز بولادى, سوندا 2021 جىلعى ماۋسىم-قىركۇيەكتە تىركەلگەن جاعدايلاردىڭ بولجامدى سانى شامامەن 69 مىڭ ادامعا جەتەدى.
ال وپتيميستىك ستسەناريدە ۆاكتسيناتسيانىڭ تيىمدىلىگى كەم دەگەندە 95 پايىزدى كورسەتىپ, 2021 جىلدىڭ ماۋسىم-قىركۇيەك ايلارىندا تىركەلگەن جاعدايلاردىڭ سانى شامامەن 61 مىڭ ادام بولادى», دەدى تسوي
مينيستر وسى ستسەناريلەردىڭ ورىندالۋ-ورىندالماۋى حالىقتىڭ ۆاكتسيناتسيا ماسەلەسىندەگى بەلسەندىلىگىنە تىكەلەي بايلانىستى ەكەنىن مالىمدەدى.
«وسىعان بايلانىستى جەرگىلىكتى اتقارۋشى ورگاندارعا ۆاكتسينامەن قامتۋدى ۇلعايتۋ, حالىق اراسىندا اقپاراتتىق-ءتۇسىندىرۋ جۇمىستارىن جۇرگىزۋ بويىنشا شارالار قابىلداۋ قاجەت دەپ سانايمىز», دەدى ۆەدومستۆو باسشىسى.
