قازاقستاننىڭ تۇڭعىش پرەزيدەنتى بەلگىلى عالىم, بيولوگيا عىلىمدارىنىڭ دوكتورى, ۇلتتىق عىلىم اكادەمياسىنىڭ اكادەميگى يسا ءبايتۋليننىڭ ومىردەن وتۋىنە بايلانىستى اۋىر قايعىعا ورتاقتاسىپ, كوڭىل ايتتى.
«يسا ومار ۇلى سانالى عۇمىرىن عىلىم جولىنا ارناپ, وتاندىق بوتانيكا سالاسىنىڭ دامۋىنا سۇبەلى ۇلەس قوستى. سونداي-اق بىلىكتى عىلىمي ماماندار دايارلاۋ ىسىنە دە زور ەڭبەك ءسىڭىردى. عالىمنىڭ ارتىندا ءوزى قابىرعاسىن قالاۋعا اتسالىسقان ىرگەلى مەكتەپ, كوپتەگەن مونوگرافيالىق ەڭبەكتەرى جانە ءىزىن جالعايتىن تالانتتى شاكىرتتەرى قالدى. يسا ءبايتۋليننىڭ عيبراتتى عۇمىرى مەن جارقىن بەينەسى جۇرتشىلىق جادىندا ءاردايىم ساقتالادى دەپ سەنەمىن», دەلىنگەن جەدەلحاتتا.
