ايماق باسشىسى ابىلقايىر سقاقوۆ جاڭا باسشىنى اقسۋ قالاسىنىڭ بەلسەندىلەرىنە تانىستىردى. وبلىس اكىمى جانات شۇعاەۆتىڭ مەملەكەتتىك جانە جەكە سەكتورداعى مول تاجىريبەسىن اتاپ ءوتتى. جەرگىلىكتى ءماسليحات اقسۋ قالاسىنىڭ اكىمى لاۋازىمىنا ۇسىنىلعان كانديداتۋراسىن ماقۇلدادى.
جانات شۇعاەۆقا قالانى اباتتاندىرۋدى قولعا الۋ تاپسىرىلدى. اقسۋ اكىمى ءبىر ايلىق مەرزىم ىشىندە قالا ينفراقۇرىلىمىن دامىتۋ جانە رەكرەاتسيالىق اۋماقتاردى قۇرۋ جونىندەگى ۇسىنىستار جاساۋى ءتيىس. ايماق باسشىسى جوسپارعا جەرگىلىكتى تۇرعىنداردىڭ تالاپ-تىلەكتەرى مەن ۇسىنىستارىن ەنگىزۋ مىندەتتى ەكەنىن اتاپ ءوتتى.
جانات شۇعاەۆ 1960 جىلى پاۆلودار وبلىسىنىڭ ماي اۋدانىندا دۇنيەگە كەلگەن. 1983 جىلى تسەلينوگراد اۋىلشارۋاشىلىق ينستيتۋتىن «عالىم-اگرونوم» ماماندىعى بويىنشا ءتامامدادى.
ەڭبەك جولىن پاۆلودار وبلىسىنىڭ «ماياك» كەڭشارىندا باستاعان.
1985–1989 جىلدارى – پاۆلودار وبلىستىق مامانداندىرىلعان ەكونوميكالىق بىرلەستىگىنىڭ باس اگرونومى.
1990–1991 جىلدارى «ماياك» كەڭشارى ديرەكتورىنىڭ ورىنباسارى بولىپ قىزمەت ەتتى.
1991–1997 جىلدارى «پاۆلودار باتت» كومپانياسىن باسقاردى.
1997–1998 جىلدارى ول «باتت» كورپوراتسياسىنىڭ سولتۇستىك قازاقستان وبلىسىنداعى باسشىسى بولدى.
سودان كەيىن ول بەس جىل بويى پەتروپاۆلدا الدىمەن «سميرنوۆسكي ەلەۆاتور» اق, سودان كەيىن «قيالى استىق» جشس كاسىپورىندارىن باسقاردى.
2003 جىلى ول سقو اققايىڭ اۋدانىنىڭ اكىمى بولىپ تاعايىندالدى.
2004 جىل مەن 2006 جىل ارالىعىندا – «مامليۋتسكي مۋكومولنىي كومبينات» ااق پرەزيدەنتى.
2006 جىلدان 2007 جىلعا دەيىن – كوكشەتاۋ قالاسىنداعى «باتت اگروينۆەست» جشس باس ديرەكتورى.
2007 جىلدان 2009 جىلعا دەيىن ششۋچينسك قالاسىنداعى «اگروفيرما بۋراباي 2007» جشس باسقاردى.
2009–2012 جىلدارى پاۆلودار وبلىسى جەلەزين اۋدانىنىڭ اكىمى, 2012–2013 جىلدارى – ەرتىس اۋدانىنىڭ باسشىسى قىزمەتتەرىن اتقاردى.
2013 جىلدان 2014 جىلعا دەيىن پاۆلودار وبلىسىنىڭ اۋىل شارۋاشىلىعى باسقارماسىنىڭ باستىعى.
2014 جىلدان 2018 جىلعا دەيىن - كاچير اۋدانىنىڭ اكىمى (2018 جىلدىڭ قىركۇيەگىنەن – تەرەڭكول اۋدانى).
2018 جىلدىڭ جەلتوقسانىندا ول پاۆلودار اۋدانىنىڭ اكىمى بولىپ تاعايىندالدى.
