قاماۋدا وتىرعان سوتتالۋشىلارعا كەلەتىن ءتۇرلى سالەمدەمەنىڭ اراسىندا رۇقسات ەتىلمەگەن زاتتار دا كەزدەسەدى. تۇرمە قىزمەتكەرلەرى ونداي زاتتاردى دەر كەزىندە انىقتاپ, تاركىلەپ وتىرادى.
رۋ-170/3 مەكەمەسىندەگى رەجيم ءبولىمىنىڭ باستىعى ادىلەت مايورى اسىلان باتىروۆتىڭ ايتۋىنشا, رۇقسات ەتىلمەگەن زاتتار, اسىرەسە ەسىرتكى كوبىنەسە ازىق-ت ۇلىكتىڭ, ءدارى-دارمەكتىڭ ىشىنە, تەمەكى ونىمدەرىنە جاسىرىلادى, كيىم استارىنا تىگىلەدى ەكەن.
– ءبىزدىڭ مەكەمەنىڭ جەدەل ءبولىم قىزمەتكەرلەرى جاقىندا الدەكىمدەر تۇرمەگە تيىم سالىنعان زاتتاردى كىرگىزۋگە ارەكەتتەنىپ جاتقانى تۋرالى حابار الدى. سءويتىپ, ۇلتتىق ۇلان ساربازدارىمەن بىرگە جەدەل تەكسەرۋ ءىس-شاراسىن ۇيىمداستىردى. قاماۋداعى ك. دەگەن ازاماتقا كەلگەن باندەرولدىڭ ىشىنەن ۇيالى تەلەفون شىقتى. اكت جاساپ, تيىم سالىنعان زاتتى تاركىلەدىك, – دەيدى اسىلان باتىروۆ.
ادامنىڭ قيالى شەكسىز عوي, «ونەرتاپقىشتار» سمارتفوندى ۇيگە كيەتىن جەڭىل سۇيرەتپەنىڭ ۇلتانىنا جاسىرىپتى.
زاڭ بويىنشا قىلمىستىق-اتقارۋ جۇيەسى مەكەمەلەرىندە جازاسىن وتەپ جاتقان تۇلعالارعا الكوگولدى ىشىمدىك, ەسىرتكى سيپاتى بار ءدارى-دارمەك, اقشا, تۇرمەدە تيىم سالىنعان باسقا دا زاتتاردى بەرۋگە بولمايدى. مۇنداي ارەكەت انىقتالعان جاعدايدا ول زاتتار تاركىلەنىپ, اكەلگەن نەمەسە جىبەرگەن ادامعا ەسكەرتۋ بەرىلەدى نەمەسە ايىپپۇلعا تارتىلادى. ال ەسىرتكى زاتتارىن وتكىزگەندەر قىلمىستىق جاۋاپكەرشىلىككە تارتىلادى.
