«21 مامىردا ەلوردالىق ءورت سوندىرۋشىلەر جەڭىس داڭعىلى, 57 مەكەن-جايىنداعى ءورت تۋرالى حابارلاماعا شىقتى. كەلگەن بويدا ءتورت قاباتتى تۇرعىن ۇيدە پاتەردىڭ اس بولمەسىندە ءۇي زاتتارى مەن جيھازدارى جانىپ جاتقان. ءورت 19:08 ساعاتتا جەدەل وقشاۋلانىپ, 19-11 ساعاتتا جويىلدى. ءورت ءسوندىرۋ بارىسىندا مامانداردىڭ كۇشىمەن جوعارعى قاباتتاردان قۇتقارۋ ماسكالارىنىڭ كومەگىمەن 10 ادام قۇتقارىلدى, ونىڭ ىشىندە اۋىرلىعى ورتاشا دارەجەدەگى ۋلى گازبەن ۋلانعان 1 بالا اۋرۋحاناعا جاتقىزىلدى. ءورتتىڭ شىعۋىنىڭ الدىن-الا سەبەبى «ىدىس جۋعىش ماشينانىڭ ەلەكتر سىمدارىنىڭ قىسقا تۇيىقتالۋى» بولدى. ءورتتى سوندىرۋگە نۇر-سۇلتان قالاسى تجد جەكە قۇرامىنىڭ 28 ادامى جانە 6 بىرلىك تەحنيكاسى, پوليتسيا دەپارتامەنتىنىڭ, مەديتسينالىق جەدەل جəردەم قىزمەتكەرلەرى جۇمىلدىرىلدى.», دەلىنگەن نۇر-سۇلتان قالالىق تجد تاراتقان اقپاراتتا.
