قىلمىستىق قۇقىق بۇزۋشىلىقتاردىڭ الدىن الۋ جانە ەسكەرتۋ قر سىبايلاس جەمقورلىققا قارسى ءىس-قيمىل اگەنتتىگى قىزمەتىندەگى باسىمدىقتاردىڭ ءبىرى – اكىمشىلىك سىبايلاس جەمقورلىق قۇقىق بۇزۋشىلىقتاردىڭ جولىن كەسۋ بولىپ تابىلادى.
ونىڭ ىشىندە 6 سىبايلاس جەمقورلىق باپتارى (اقبتك-ءنىڭ 676-681-باپتارى), كاسىپكەرلىك قىزمەت سالاسىنداعى 2 قۇرام ((اقبتك-ءنىڭ 154, 173-باپتارى) جانە مەملەكەتتىك بيلىك ينستيتۋتتارىنا قول سۇعاتىن سونداي-اق اكىمشىلىك نەمەسە قىلمىستىق پروتسەستەردى جۇرگىزۋ كەزىندەگى بۇزۋشىلىقتارعا بايلانىستى 7 قۇقىق بۇزۋشىلىق (اقبتك-ءنىڭ 658-662, 665, 667-باپتارى) بار.
قابىلدانىپ جاتقان شارالاردىڭ ناتيجەسىندە بيىلعى جىلدىڭ 17 مامىرىنداعى جاعداي بويىنشا 42 اكىمشىلىك حاتتاما تولتىرىلدى, ونىڭ ىشىندە 34 حاتتاما سىبايلاس جەمقورلىق قۇقىق بۇزۋشىلىقتارمەن بايلانىستى.
ولاردىڭ اراسىندا:
14 – 676 – باپ بويىنشا «جەكە تۇلعالاردىڭ زاڭسىز ماتەريالدىق سىياقى بەرۋى»;
10 – 681 – باپ بويىنشا «بۇرىن سىبايلاس جەمقورلىق قىلمىس جاساعان ادامداردى جۇمىسقا قابىلداۋ»;
4 – 677-باپ بويىنشا «مەملەكەتتىك فۋنكتسيالاردى ورىنداۋعا ۋاكىلەتتىك بەرىلگەن ادامنىڭ نەمەسە وعان تەڭەستىرىلگەن ادامنىڭ زاڭسىز ماتەريالدىق سىياقى الۋى» جانە 680-باپ «مەملەكەتتىك ورگاندار باسشىلارىنىڭ سىبايلاس جەمقورلىققا قارسى ءىس-قيمىل جونىندەگى شارالاردى قابىلداماۋى»;
2 – 154 – باپ بويىنشا «كاسىپكەرلىك قىزمەتپەن اينالىسۋعا تىيىم سالىنعان ادامنىڭ وسىنداي قىزمەتپەن اينالىسۋى», 173 – باپ «لاۋازىمدى ادامداردىڭ كاسىپكەرلىك قىزمەتكە زاڭسىز ارالاسۋى», 665 – باپ «پروكۋرورعا, تەرگەۋشىگە جانە انىقتاۋ ورگانىنا, سوت ورىنداۋشىسىنا, سوت پريستاۆىنا كەلمەۋ» جانە 678 - باپ بويىنشا «مەملەكەتتىك بيلىك ينستيتۋتىنا قول سۇعاتىن زاڭسىز ماتەريالدىق سىياقى بەرۋ»;
1 – 658 – باپ «كۋانىڭ ايعاق بەرۋدەن باس تارتۋى نەمەسە جالتارۋى» جانە 660-باپ بويىنشا «اكىمشىلىك قۇقىق بۇزۋشىلىقتى جاسىرۋ جانە اكىمشىلىك قۇقىق بۇزۋشىلىق تۋرالى ىستەر بويىنشا دالەلدەمەلەردى بۇرمالاۋ».
41 تۇلعا اكىمشىلىك جاۋاپقا تارتىلدى, ونىڭ ىشىندە 5-ەۋى وبلىستىق ماڭىزى بار باسشىلار, 3 – ەۋى اۋداندىق جانە 1-ەۋى – قالالىق.
كوپ جاعدايدا اكىمشىلىك جاۋاپقا جەرگىلىكتى اتقارۋشى ورگانداردىڭ - 19, سونداي-اق مەملەكەتتىك ورگانداردىڭ – 6 جانە قۇقىق قورعاۋ ورگاندارىنىڭ – 1 قىزمەتكەرى مەن جۇمىسكەرلەرى تارتىلدى.
مىسالى, اقبتك-ءنىڭ 681-بابىنا سايكەس بۇرىن سىبايلاس جەمقورلىق قۇقىق بۇزۋشىلىق جاساعان ادامداردى جۇمىسقا قابىلداۋ فاكتىلەرى بويىنشا باتىس قازاقستان وبلىسىنىڭ سپورت جانە دەنە شىنىقتىرۋ باسقارماسىنىڭ باسشىسى ەسەندياروۆ, اقمولا وبلىسىنىڭ تۋريزم باسقارماسىنىڭ باسشىسى عابدۋللين, اقتوبە وبلىسى حرومتاۋ اۋدانىنىڭ مادەنيەت جانە تىلدەردى دامىتۋ ءبولىمىنىڭ باسشىسى ياكەن اكىمشىلىك جاۋاپقا تارتىلدى.
ولاردىڭ بارلىعىنا 50-دەن 100 اەك-كە دەيىن اكىمشىلىك جازا تاعايىندالدى.
اقبتك–نىڭ 676-بابىنا سايكەس جەكە تۇلعالارعا زاڭسىز ماتەريالدىق سىياقى بەرۋ بويىنشا:
- پاۆلودار وبلىسىندا تىرەك–قيمىل اپپاراتى بۇزىلعان بالالاردى وڭالتۋدىڭ ارناۋلى الەۋمەتتىك قىزمەتتەر كورسەتۋ ورتالىعىنىڭ باس بۋحگالتەرى ابەلدينوۆادان وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ جوعارى تۇرعان باسشىسى التىباەۆاعا 10 مىڭ تەڭگە كولەمىندە زاڭسىز ماتەريالدىق سىياقى جانە جالپى قۇنى 3 600 تەڭگە بولاتىن كامپيت قورابى مەن شاراپ بوتەلكەسى تۇرىندەگى سىيلىق بەرگەنى ءۇشىن 100 اەك مولشەرىندە (291,7 مىڭ تەڭگە).
- اتىراۋ وبلىسىندا «اتىراۋ وبلىستىق ۆەتەرينارلىق باقىلاۋ جانە قاداعالاۋ كوميتەتىنىڭ اۋماقتىق ينسپەكتسياسىنىڭ» باسشىسى بيسەنعاليەۆتان كوميتەت توراعاسىنىڭ مىندەتىن اتقارۋشى نۇرتازيناعا قۇنى 10 مىڭ تەڭگە بولاتىن بالىق ونىمدەرى تۇرىندەگى زاڭسىز ماتەريالدىق سىياقى بەرگەنى ءۇشىن 100 اەك (291,7 مىڭ تەڭگە) كولەمىندە ايىپپۇلدار ءوندىرىپ الىندى.
وسىعان ۇقساس فاكتىلەر نۇر-سۇلتان, الماتى قالالارى مەن الماتى, جامبىل, اقتوبە, قاراعاندى, قىزىلوردا, قوستاناي جانە سولتۇستىك قازاقستان وبلىستارىندا بار.
سىبايلاس جەمقورلىققا قارسى قىزمەتتىڭ اكىمشىلىك ماتەريالدارى بويىنشا سالىنعان ايىپپۇلداردىڭ جالپى سوماسى 159,2 ملن تەڭگەنى قۇرادى, 154,3 ملن تەڭگە ءوندىرىلدى.
سوتتار 9 اكىمشىلىك ءىس جۇرگىزۋدى قارادى.
