ۆەدومستۆونىڭ مالىمەتىنشە, قازىرگى تاڭدا دەنساۋلىق ساقتاۋ جۇيەسىندە ءبىرىنشى كەزەكتەگى مىندەت – تۇراقتى ەپيدەميولوگيالىق جاعدايدى قامتاماسىز ەتۋ, كورونوۆيرۋس ينفەكتسياسىنىڭ تارالۋىنا جول بەرمەۋ.
بۇل ءۇشىن وڭىردە بارلىق ىقتيمال پارمەندى شارالار مەن شەكتەۋلەر قابىلدانىپ جاتىر.
اۋرۋدى جەڭۋگە جانە بۇرىنعا قالىپتى ومىرىمىزگە ورالۋعا مۇمكىندىك بەرەتىن جول – ەكپە سالۋ.
«ستەپنوگور وڭىرىندە ۆاكتسينا پارتيالارىنىڭ تۇسۋىنە سايكەس حالىقتى كوروناۆيرۋستىق ينفەكتسيادان ۆاكتسيناتسيالاۋ جوسپارلى تۇردە جۇرگىزىلۋدە. 4,7 مىڭ ادام ەكپە الدى. ءبىرىنشى كەزەڭدە ۆاكتسيناتسيا دەنساۋلىق ساقتاۋ, ءبىلىم بەرۋ, قۇقىق قورعاۋ ورگاندارىنىڭ قىزمەتكەرلەرى اراسىندا جۇرگىزىلدى. قازىرگى ۋاقىتتا ۇجىمدىق وتىنىمدەر ورىندالىپ جاتىر, سونداي-اق ساۋدا ورتالىقتارىندا ۆاكتسيناتسيا جۇرگىزىلۋدە, تۇرعىندار, سونىڭ ىشىندە قارتتار دا ۆاكتسيناتسياعا بەلسەندى قاتىسۋدا» دەيدى قالالىق ەمحانا اكىمشىلىگى.
ايماقتاعى دەنساۋلىق ساقتاۋ سالاسىندا ءبىرشاما وزگەرىستەر قارقىن الىپ كەلەدى.
وتكەن جىلدىڭ شىلدە ايىندا قالالىق ەمحانا «Viamedis» جشس مەملەكەتتىك-جەكەمەنشىك ارىپتەستىگىنە بەرىلدى.
بۇگىندە عيماراتتى كۇردەلى جوندەۋ اياقتالۋ ساتىسىندا, بولىمشەلەردىڭ ءبىر بولىگى جاڭا فورماتتا جۇمىس ىستەپ جاتىر.
جاڭا جابدىقتار ساتىپ الىندى: كومپيۋتەرلىك توموگراف, ساندىق رەنتگەن اپپاراتى جانە مامموگراف, ۋدز اپپاراتتارى, ەكگ اپپاراتتارى.
وپەراتسيالىق بلوكتى اشۋ جوسپاردا بار, بۇل امبۋلاتوريالىق نەگىزدە وپەراتسيالىق ارالاسۋدىڭ كەڭ سپەكترىن ورىنداۋعا مۇمكىندىك بەرەدى.
كادرمەن قامتاماسىز ەتۋ كورسەتكىشى جاقساردى. ماسەلەن, دارىگەرمەن قامتۋ 71 پايىزدان 78 پايىزعا دەيىن, ورتا مەديتسينالىق پەرسونالمەن قامتۋ 78 پايىزدان 81 پايىزعا دەيىن وزگەردى.
سونداي-اق «Viamedis» جشس بەستوبە كەنتىندە جاڭا دارىگەرلىك امبۋلاتوريانىڭ قۇرىلىسىن اياقتاپ قالدى. ونى بيىلعى جىلدىڭ ءۇشىنشى توقسانىندا ىسكە قوسۋ جوسپارلانىپ وتىر.
جالپى وبلىس بويىنشا 2020 جىلدىڭ قورىتىندىسى بويىنشا 3 نىسان قۇرىلدى (كوكشەتاۋ قالاسىنداعى ونكولوگيالىق ەمحانا, شورتاندى اۋدانىنىڭ ستەپنوە اۋىلىندا اۋىسىمدا 25 ادام قابىلدايتىندارىگەرلىك امبۋلاتوريا, تسەلينوگراد اۋدانىنىڭ سوفيەۆكا اۋىلىندا 50 ادام قابىلدايتىن دارىگەرلىك امبۋلاتوريا).
سونىمەن قاتار تسەلينوگراد اۋدانى قوسشى اۋىلىندا اۋداندىق ەمحانانىڭ قۇرىلىسى اياقتالىپ قالدى.
