القالى جيىندى اشقان قازاقستان حالقى اسسامبلەياسى توراعاسىنىڭ ورىنباسارى – پرەزيدەنت اكىمشىلىگى قحا حاتشىلىعىنىڭ مەڭگەرۋشىسى مارات ءازىلحانوۆ «قازاقستان رەسپۋبليكاسى تاۋەلسىزدىگىنىڭ 30 جىلدىعىنا ارنالعان قازاقستان حالقى اسسامبلەياسىنىڭ ءححىح سەسسياسى قازاقستاننىڭ تۇڭعىش پرەزيدەنتى – ەلباسى نۇرسۇلتان نازارباەۆتىڭ بەيبىتشىلىك پەن كەلىسىم ساياساتىن دامىتۋعا جاڭا سەرپىن بەردى», دەپ اتاپ ءوتتى. سونىمەن بىرگە اسسامبلەيا مەن ەتنومادەني بىرلەستىكتەرگە جاڭا مىندەتتەر جۇكتەلىپ وتىرعان كەزەڭدە بەيبىتشىلىك پەن كەلىسىم ساياساتىنا باعىت-باعدار كورسەتەتىن ءارى تيىمدىلىگىن ارتتىرۋعا باعىتتالعان ماسەلەلەرگە توقتالدى.
ءىس جۇزىندە اسسامبلەياعا ەلدىڭ جاڭا ءيميدجىن جانە ۇلتتىڭ جاڭا بىرەگەيلىگىن قالىپتاستىرۋعا ۇلەس قوسۋ, اسسامبلەيانىڭ تيىمدىلىگىن ارتتىرۋ بويىنشا شارالار قابىلداۋ, قوعامدىق ديپلوماتيانى دامىتۋ, دوستىق ەلشىلەرىنىڭ كورپۋسىن كەڭەيتۋ سياقتى مىندەتتەر جۇكتەلىپ وتىر. وسى ورايدا قحا مەكەمەلەرى كەز كەلگەن ۋاقىتتا ءىس-قيمىل كەزەڭدەرىنە دايىن بولۋى كەرەك.
جيىن بارىسىندا ءسوز العان اقپارات جانە قوعامدىق دامۋ مينيسترلىگى ەتنوسارالىق قاتىناستاردى دامىتۋ كوميتەتىنىڭ توراعاسى عالىم شويكين رەسپۋبليكادا ەتنوسارالىق كەلىسىم مەن جالپىۇلتتىق بىرلىكتى قامتاماسىز ەتۋ كوميتەت قىزمەتىندەگى ماڭىزدى باعىت ەكەندىگىن اتاپ ءوتتى. وسى ورايدا كوميتەتكە جۇكتەلگەن جاۋاپكەرشىلىك تە جوعارى. بۇگىندە وبلىستىق ىشكى ساياسات ورگاندارىنىڭ قۇرىلىمىندا ەتنوسارالىق قاتىناستاردى دامىتۋ بويىنشا بولىمدەر قۇرىلعان. بۇل ءوز كەزەگىندە ءتىل ماسەلەسى, جاستار ساياساتى, ۇكىمەتتىك ەمەس ۇيىمدار مەن اقپاراتتىق سالادا ءوزارا ىقپالداستىقتى دامىتۋعا مۇمكىندىك بەرەدى. بۇگىندە ەتنوسارالىق قاتىناستاردى دامىتۋ سالاسىنداعى مەملەكەتتىك ساياساتتى جۇزەگە اسىرۋ مەن اسسامبلەيا قىزمەتىن قامتاماسىز ەتىپ وتىرعان «قوعامدىق كەلىسىم» رمم قىزمەتىنە توقتالعان ديرەكتور ەربول شاۋەنوۆ بيىل اتقارىلاتىن ماڭىزدى ماسەلەلەردى اتاپ ءوتتى.
كەزدەسۋ بارىسىندا قازاقستان حالقى اسسامبلەياسى توراعاسىنىڭ ورىنباسارى ز.كۋزيەۆ, پارلامەنت ءماجىلىسىنىڭ دەپۋتاتى, «باربانگ» قازاقستان كۇردتەرى قاۋىمداستىعى توراعاسىنىڭ ورىنباسارى ۆ.نابيەۆ, پارلامەنت ءماجىلىسىنىڭ دەپۋتاتى ا.حامەدوۆ, سونىمەن بىرگە ەتنومادەني بىرلەستىكتەردىڭ جەتەكشىلەرى قحا ءححىX سەسسياسىندا اسسامبلەيانى باسقارۋ قۇقىعىنىڭ تۇڭعىش پرەزيدەنت – ەلباسى ن.ءا.نازارباەۆتان پرەزيدەنت ق.توقاەۆقا اۋىسۋىنىڭ ماڭىزدى ساياسي ناتيجە ەكەندىگىن اتاپ ءوتتى. بۇل قادام ستراتەگيالىق ساباقتاستىقتى, قحا ءۇشىن دە, ەتنوستىق بىرلەستىكتەر ءۇشىن دە جاڭا مىندەتتەر جۇكتەيدى. وسى ورايدا ەتنومادەني بىرلەستىكتەردىڭ رەسپۋبليكالىق, ايماقتىق جانە جەرگىلىكتى كوشباسشىلارى ءۇشىن ناقتى باعدار رەتىندە جۇمىس ستراتەگيالارى مەن ءىس-شارالار جوسپارلارى وسىعان سايكەس تۇزەتىلەتىن بولادى.
كەزدەسۋگە قاتىسۋشىلار ەتنومادەني بىرلەستىكتەردىڭ قحا ءححىح سەسسياسىنىڭ نۇسقاۋلارىن جۇزەگە اسىرۋداعى ءرولى مەن مىندەتتەرىنە, حالىقتىڭ وزەكتى الەۋمەتتىك ماسەلەلەرىن شەشۋگە, قايىرىمدىلىق پەن ەرىكتىلەردىڭ ناقتى جوبالارىن, ەكولوگيالىق اكتسيالار وتكىزۋ, ورتتەن زارداپ شەككەن ريددەر قالاسىنىڭ تۇرعىندارىنا قحا تاراپىنان كورسەتىلگەن كومەك بارىسىنا توقتالدى. سونداي-اق كەزدەسۋ شەڭبەرىندە ەتنومادەني بىرلەستىكتەرمەن ءوزارا ءىس-قيمىلدىڭ وزەكتى تۇستارى, اقپارات جانە قوعامدىق دامۋ مينيسترلىگى مەن «قوعامدىق كەلىسىم» رمم-نىڭ ۇلتارالىق قاتىناستار, سونداي-اق اسسامبلەيانىڭ رەسپۋبليكالىق ەتنومادەني بىرلەستىكتەرمەن بىرلەسكەن جوبالارىن جۇزەگە اسىرۋ ماسەلەلەرى قاراستىرىلدى.
الماتى
