جەدەل-ىزدەستىرۋ ءىس-شارالارىنىڭ ناتيجەسىندە كۇدىكتىنىڭ تۇرعىلىقتى مەكەنجايىنا ءتىنتۋ, تەرگەۋ ارەكەتىن جۇرگىزۋ بارىسىندا پاتەرىنەن 103 پوليەتيلەن پاكەتكە سالىنعان وسىمدىك تەكتەس زات تابىلىپ, تاركىلەندى. ساراپتاما قورىتىندىسى ونىڭ 10 كەلىدەن استام كەپتىرىلگەن ماريحۋانا ەكەنىن انىقتادى.
كۇدىكتىنىڭ بۇل زاتتى جەكە پايدالانۋ ءۇشىن ساقتاعانى بەلگىلى بولدى. ول بۇرىن قازاقستان رەسپۋبليكاسىنىڭ قىلمىستىق كودەكسىنىڭ 300-بابى بويىنشا سوتتالىپ, 2018 جىلى بوستاندىققا شىققان.
كۇدىكتى قىزىلوردا قالالىق پوليتسيا باسقارماسىنىڭ ۋاقىتشا ۇستاۋ يزولياتورىنا قامالدى.
اتالعان دەرەك بويىنشا قازاقستان رەسپۋبليكاسى قىلمىستىق كودەكسىنىڭ 296-بابىنىڭ 4-بولىگى (ەسىرتكى قۇرالدارىن, پسيحوتروپتىق زاتتاردى, سول تەكتەستەردى اسا ءىرى مولشەردە وتكىزۋ ماقساتىنسىز زاڭسىز دايىنداۋ, قايتا وڭدەۋ, ساتىپ الۋ, ساقتاۋ, تاسىمالداۋ) بويىنشا سوتقا دەيىنگى تەرگەپ-تەكسەرۋ امالدارى جۇرگىزىلۋدە.
ايتا كەتەيىك, اتالعان قىلمىس ءۇشىن 3 جىلدان 7 جىلعا دەيىن باس بوستاندىعىنان ايىرۋ جازاسى قاراستىرىلعان.
قىزىلوردا قالاسى بويىنشا جىل باسىنان بارلىعى 42 ەسىرتكى قىلمىسى انىقتالدى.
