بۇل تۋرالى اقپارات جانە قوعامىق دامۋ مينيسترلىگى جاستار جانە وتباسى ىستەرى كوميتەتىنىڭ توراعاسى شاحماردان بايمانوۆ ورتالىق كوممۋنيكاتسيالار قىزمەتىندە وتكەن بريفينگىدە ايتتى.
«2021 جىلىعى 20 مامىردان «دارىن» سىيلىعىنا ۇمىتكەرلەردىڭ قۇجاتتارىن قابىلداۋ باستالدى. بارلىق تالانتتى جاستاردى اتالعان بايقاۋعا قاتىسۋعا شاقىرامىز. وتىنىمدەردى قابىلداۋ بىزدە 10 تامىزعا دەيىن جۇرگىزىلەدى. تولىق مالىمەت اقپارات جانە قوعامدىق دامۋ مينيسترلىگىنىڭ رەسمي سايتىندا قولجەتىمدى. «دارىن» سىيلىعىنا ۇمىتكەرلەرگە قويىلاتىن نەگىزگى تالاپ – سىيلىق الۋعا وتىنىمدەردى قابىلداۋ اياقتالعانعا دەيىنگى ساتتە جاسى 29-عا تولماعان بولۋى كەرەك. ۇمىتكەر جاستاردى ورتالىق, جەرگىلىكتى مەملەكەتتىك ورگاندار, وقۋ ورىندارى, شىعارماشىلىق ۇيىمدار مەن قوعامدىق بىرلەستىكتەر ۇسىنا الادى», دەدى مينيسترلىك وكىلى.
ونىڭ ايتۋىنشا, سىيلىق اياسىندا بەرىلەتىن نوميناتسيا ءتىزىمى وزگەرمەگەن. «بايقاۋ ادەبيەت, عىلىم, ديزاين جانە بەينەلەۋ ونەرى, جۋرناليستيكا, كلاسسيكالىق مۋزىكا, قوعامدىق قىزمەت, سپورت, تەاتر جانە كينو,ەسترادا, حالىق شىعارماشىلىعى اتتى 10 نوميناتسيا بويىنشا وتەدى.
وزدەرىڭىزگە بەلگىلى, «دارىن» مەملەكەتتىك جاستار سىيلىعىن تالانتتى, بەلسەندى شىعارماشىلىق, حالىقارالىق جانە رەسپۋبليكالىق كونكۋرستار مەن فەستيۆالداردىڭ, ءتۇرلى شارالاردىڭ لاۋرەاتتارى, رەسپۋبليكالىق جانە حالىقارالىق دەڭگەيدەگى سپورتتىق جارىستاردىڭ جۇلدەگەرلەرى مەن جەڭىمپازدارى, سونداي-اق ءتۇرلى قالالاردا قوعامدىق دامىتۋدا سۇبەلى ۇلەس قوسىپ جۇرگەن قازاقستان رەسپۋبليكاسىنىڭ 29 جاسقا دەيىنگى ازاماتتارى قاتىسا الادى. بۇگىنگە دەيىن 294 ادام «دارىن» مەملەكەتتىك جاستار سىيلىعىنىڭ يەگەرى اتاندى», دەدى شاحماردان بايمانوۆ.
