الەم • 20 مامىر، 2021

الەمدە كوروناۆيرۋس جۇقتىرعاندار سانى 160 ميلليوننان استى

15 رەت كورسەتىلدى

پاندەميا باستالعاننان بەرى الەم بويىنشا 160 ميلليوننان استام ادام كوروناۆيرۋس ينفەكتسياسىن جۇقتىرعان، دەپ حابارلايدى Egemen.kz.

گەرمانيانىڭ وزىندە ىندەتكە شالدىققانداردىڭ سانى 3،5 ميلليون ادامنان اسادى. ونىڭ 3،23 ميلليونى نەمەسە 90 پايىزى اۋرۋىنان ايىققان. وسى مالىمەتتەردى ەسكەرسەك، الەم بويىنشا SARS-CoV-2 ەكپەسىنە دەگەن سۇرانىستىڭ قانداي دەڭگەيدە بولاتىنىن بولجاۋعا بولادى. COVID-19 ينفەكتسياسىنان ايىققانداردىڭ ءوزى ءبىر ەكپەگە مۇقتاج ەكەنىن ۇمىتپاعان ابزال.

ۇلىبريتانيا ۇندىستانعا تاعى 1000 ءوجج اپپاراتىن جىبەرەدى.

«سovid-19 ىندەتىمەن كۇرەسۋ ءۇشىن ءبارىمىز بىرلەسىپ جۇمىس ىستەۋىمىز كەرەك. جاعداي بارشامىزعا قاۋىپسىز بولمايىنشا قاۋىپ-قاتەر بارىمىزگە تونەدى» دەلىنگەن ۇلىبريتانيا ءسىم باسشىسى دومينيك راابتىڭ مالىمدەمەسىندە.

بۇعان دەيىن ەل سوڭعى كەزدە كوروناۆيرۋس ينفەكتسياسىنىڭ كوپتەپ تىركەلەتىن نۇكتەسى ۇندىستانعا 200 ءوجج اپپاراتىن، 500-گە جۋىق وتتەگى كونتسەنتراتورى مەن ءۇش وتتەگى گەنەراتورىن جولداعان بولاتىن.

پاندەمياعا بايلانىستى ءتورت ايدان استام ءماجبۇرلى ۇزىلىستەن كەيىن يتالياندىق كوستا كەمە كومپانياسى كرۋيزدەرىن قايتا باستايدى. بورتىندا 1500 جولاۋشىسى بار «Costa Smeralda» فلاگمان كەمەسى ساۆونا پورتىنان شىقتى. بۇل ونىڭ ناقتى سىيىمدىلىعىنىڭ تورتتەن ءبىر بولىگىن قۇرايدى. بارلىق ەكيپاج مۇشەلەرى مەن جولاۋشىلار بورتقا جىبەرىلمەس بۇرىن كوروناۆيرۋستىق ينفەكتسياسىنا تەكسەرۋدەن ءوتۋى كەرەك ەدى. سونداي-اق، كەمەدە بەتپەردەنى مىندەتتى تۇردە كيۋ تالاپ ەتىلەدى. ءبىرىنشى كرۋيز يتاليا جاعالاۋىن بويلاي وتەدى.

اقش-تا كوروناۆيرۋس سالدارىنان ءولىم-ءجىتىم سانىنىڭ كۇندەلىكتى كورسەتكىشى وتكەن جىلدىڭ ناۋرىز ايىنان بەرگى ەڭ تومەنگى دەڭگەيگە جەتتى. وتكەن اپتادا ەلدە COVID-19 سالدارىنان كۇنىنە 546 ادام مەرت بولدى، دەپ مالىمدەدى اقش اۋرۋلاردى باقىلاۋ جانە ولاردىڭ الدىن الۋ ورتالىعىنىڭ (CDC) ماماندارى. سونداي-اق ينفەكتسيانىڭ جاڭا جاعدايلارىنىڭ سانى ازايىپ كەلەدى.

سوڭعى جاڭالىقتار

«شىڭىراۋ» شىڭعا شىقسىن

ونەر • بۇگىن، 00:18

تىڭ تاسىلدەردىڭ ءتيىمدى تۇسى كوپ

مەديتسينا • بۇگىن، 00:14

پاسپورت

رۋحانيات • كەشە

جەكە پەسا جازۋعا لايىق

رۋحانيات • كەشە

انا مەيىرىمى

قوعام • كەشە

دوللار ارزاندادى

قارجى • كەشە

ۇقساس جاڭالىقتار