ء«بىز ءىس-شارالار جوسپارىن ازىرلەدىك, قاراشادان باستاپ ەلىمىزدىڭ بارلىق جەتەكشى ماماندارىمەن جۇمىس جۇرگىزدىك, اقپاراتتىق جۇيەنى تالدادىق. سونداي-اق بارلىق ەگجەي-تەگجەيلى جاعدايلاردى ەسەپكە الۋ جانە تالداۋ بويىنشا مەديتسينالىق ۇيىمداردىڭ جۇمىسى جۇرگىزىلدى. سونداي-اق ۇلتتىق ستاتيستيكا بيۋروسى كەش تىركەۋدىڭ بارلىق جاعدايلارىن (قايتىس بولۋ تۋرالى كۋالىكتەردى) ەسكەردى. دەنساۋلىق ساقتاۋ مينيسترلىگى مەن ۇلتتىق ستاتيستيكا بيۋروسى بارلىق ستاتيستيكالىق دەرەكتەردى سالىستىرىپ تەكسەردى. دەنساۋلىق ساقتاۋ مينيسترلىگىنىڭ اقپاراتتىق جۇيەلەرىندە ءولىم جاعدايلارى بويىنشا بارلىق دەرەكتەر سالىستىرىلدى, تالداندى, كەيبىر جاعدايلار احاج ورگاندارىندا تىكەلەي تىركەلدى», دەدى دەنساۋلىق ساقتاۋ ۆيتسە-ءمينيسترى اجار عينيات.
ونىڭ ايتۋىنشا, 2020 جىلى كوروناۆيرۋستىڭ ءولىم-ءجىتىمىنىڭ سوڭعى ستاتيستيكاسى 4 729 ادامدى قۇرادى, ونىڭ ىشىندە كوروناۆيرۋس دياگنوزى راستالعان 1 783 پاتسيەنت جانە كوروناۆيرۋستىق پنەۆمونيامەن اۋىرعان 2 946 ادام بار.
ء«بىز بۇگىن دەنساۋلىق ساقتاۋ مينيسترلىگىنىڭ سايتىندا اۋرۋ مەن ءولىم-ءجىتىم بويىنشا ناقتى دەرەكتەردى رەسمي تۇردە جاريالادىق. وتكەن جىلى جاريالانعان دەرەكتەر جەدەل تۇردە بەرىلگەن ەدى. دەرەكتەر شتابتىڭ شەشىم قابىلداۋى جانە ەپيدەميامەن كۇرەسۋ ءۇشىن قاجەت بولدى. 2021 جىلدىڭ ءتورت ايىنداعى مالىمەتتەر كۇن سايىن ۇلتتىق ستاتيستيكا بيۋروسىمەن سالىستىرىلادى», دەدى اجار عينيات.
