پروباتسيالىق ەسەپتە تۇرعان كوكپەكتى اۋدانىنىڭ 47 جاستاعى تۇرعىنى سەگىز اي بۇرىن كامەلەتكە تولماعان بالالارىن كۇتىپ-باعۋعا قاتىستى مىندەتتەرىن ورىنداماعانى ءۇشىن ءىستى بولىپ, ءبىر جىلعا باس بوستاندىعى شەكتەلگەن ەدى.
كوكپەكتى اۋداندىق №1 پروباتسيا قىزمەتىنىڭ حابارلاۋىنشا, بۇل جولى ول ماس بولىپ, قوعامدىق ءتارتىپتى بىرنەشە رەت بۇزعان. سونداي-اق سوتپەن تاعايىندالعان ءماجبۇرلى جۇمىستارعا ءۇش رەت شىقپاعان.
ازاماتتى ەسەپكە الۋ كەزىندە وعان پروباتسيا قىزمەتكەرلەرى جازانى ورىنداۋ ءتارتىبىن, سوتپەن جۇكتەلگەن مىندەتتەر مەن پروباتسيالىق باقىلاۋدىڭ شارتتارىن تۇسىندىرگەن. جازا ءتارتىبىن بۇزعان جاعدايدا باس بوستاندىعىنان ايىرىلاتىنىن دا ەسكەرتكەن. ءتىپتى, كومەك رەتىندە اقىلى-قوعامدىق جۇمىسقا ورنالاستىرعان. الايدا, كوكپەكتىلىك ازامات تارتىپكە باعىنباعان. ەندى شەكتەۋ جازاسى 4 اي 6 كۇن مەرزىمگە باس بوستاندىعىنان ايىرۋ جازاسىنا اۋىستىرىلىپ, تۇزەۋ مەكەمەسىنە جىبەرىلدى.
