«Nur Otan» حالىقپەن بايلانىستىڭ جاڭا فورماتىنا كوشتى

ونىڭ ايتۋىنشا، «Nur Otan» ءماجىلىس پەن بارلىق دەڭگەيدەگى ءماسليحاتتار سايلاۋىندا جەڭىسكە جەتكەن العاشقى كۇننەن باستاپ سايلاۋالدى ۋادەلەرىن ورىنداۋعا كىرىسكەن.

وسىلايشا، ءاربىر وبلىس، قالا جانە اۋدان بويىنشا 217 ەگجەي-تەگجەيلى جول كارتاسى بەكىتىلگەن. ولاردىڭ ورىندالۋىن جۇيەلى باقىلاۋ ءۇشىن 14 رەسپۋبليكالىق جانە 1738 وڭىرلىك قوعامدىق كەڭەس قۇرىلدى. وعان دەپۋتاتتاردان باسقا بەلگىلى قوعام قايراتكەرلەرى، ساراپشىلار جانە جۋرناليستەر كىردى.

پارتيا ليدەرى نۇرسۇلتان نازارباەۆ قويعان مىندەتتەرگە سايكەس ەلەكتوراتارالىق كەزەڭدە ورتالىق اپپاراتتىڭ قۇرىلىمى وڭتايلاندىرىلىپ، ەلىمىز بويىنشا پارتيانىڭ قوعامدىق قابىلداۋ بولمەلەرى مەن فيليالدارى حالىقپەن ءوزارا ءىس-ارەكەت جاساۋدىڭ پرواكتيۆتى فورماتىنا كوشتى.

«ەلباسى ايتقانداي، «Nur Otan» ء«بىر ورىندا تۇرىپ قالماي»، ءاردايىم جەتىلىپ وتىرۋى كەرەك. پارتيا بەلسەندى ازاماتتىق ۇستانىمى، كرەاتيۆتى يدەيالارى مەن جوبالارى بار ادامداردى بىرىكتىرىپ، قولداۋى ءتيىس. سوندىقتان دا سايلاۋ بارىسىنداعى رەسپۋبليكالىق پارتياىشىلىك پرايمەريز «Nur Otan» پارتياسىن جۇيەلى تۇردە قايتا جانداندىرۋدىڭ نەگىزگى ەلەمەنتى بولدى.

بۇگىندە، ەلەكتوراتارالىق كەزەڭدە پارتيانىڭ كادرلىق الەۋەتىن كۇشەيتۋ بويىنشا جۇمىستار بەلسەندى تۇردە جالعاسۋدا. وتكەن اپتادا وبلىستار، قالالار مەن اۋدانداردىڭ بارلىق وكىلدى پارتيا ورگاندارىنا سايلاۋى اياقتالدى. «Nur Otan» ساياسي كەڭەستەرىنىڭ قۇرامى وڭىرلەردە 51%-كە جاڭارتىلدى»، دەدى باۋىرجان بايبەك.

ول كەلتىرگەن اقپاراتتارعا سۇيەنسەك، ايەلدەردىڭ ۇلەس سانى 29-دان 35%-كە، 35 جاسقا دەيىنگى جاستار – 11-دەن 22،5%-كە دەيىن وسكەن.  مەملەكەتتىك قىزمەتشىلەردىڭ ۇلەسى 2 ەسەگە، ياعني 18-دەن 9%-كە دەيىن تومەندەدى. ۇشتەن بىرىنەن استامى – ۇكىمەتتىك ەمەس ۇيىمداردىڭ وكىلدەرى، جۋرناليستەر، بلوگەرلەر، كاسىپكەرلەر، سونداي-اق اۋىل شارۋاشىلىعى مەن ونەركاسىپ قىزمەتكەرلەرى.ء اربىر ەكىنشى ادام – وتكەن پرايمەريزدىڭ قاتىسۋشىسى.

باۋىرجان بايبەك اتاپ وتكەندەي، «Nur Otan»-نىڭ بۇكىل باستاۋىش پارتيا ۇيىمدارىنىڭ باسشىلارىن (بارلىعى 4517) سايلاۋ پارتيامىزدى جاڭارتۋداعى تاعى ءبىر ەلەۋلى قادام بولدى. داۋىس بەرۋ قورىتىندىسى بويىنشا 566 مىڭنان استام پارتيالىق، ياعني «باستاۋىش پارتيا ۇيىمدارى» باسشىلارىنىڭ 20%-ءى جاڭاردى، ال 80%-ءى سەنىم مانداتىن قايتا راستادى.

«Nur Otan»-نىڭ مىندەتى – ءتيىمدى پارتيالىق-ساياسي كۇن ءتارتىبىن قالىپتاستىرۋ جانە جەرگىلىكتى جەرلەردە پارتيالىقتاردىڭ جۇمىسىن تۇبەگەيلى تۇردە كۇشەيتۋ. بۇگىنگى كۇنى بارشا نۇروتاندىقتاردى ەل پرەزيدەنتى قاسىم-جومارت توقاەۆتىڭ «حالىق ۇنىنە قۇلاق اساتىن مەملەكەت» تۇجىرىمداماسىن ءتيىمدى ىسكە اسىرۋعا جۇمىلدىرۋ ماڭىزدى. اتاپ ايتقاندا: وزەكتى ماسەلەلەردى اشىق تالقىلاۋ، حالىقپەن «كەرى بايلانىستى» كۇشەيتۋ، ازاماتتىق باستامالاردى قولداۋ، سونداي-اق بيۋدجەت قاراجاتىن جۇمساۋدىڭ تيىمدىلىگى مەن اشىقتىعىنا جۇيەلى مونيتورينگ جۇرگىزۋ جانە باسقا دا ماسەلەلەردى قامتيدى. ەلباسى ايتقانداي، نۇروتاندىقتاردىڭ باستى ءۇش قاعيداتى – جاۋاپكەرشىلىك، كوماندالىق رۋح، پارتيا يدەالدارى مەن قۇندىلىقتارىنا بەرىكتىك. ءبىز مەجەلەنگەن جوسپارلار مەن بەرگەن سايلاۋالدى ۋادەلەرىمىزدىڭ بارلىعىن جۇدىرىقتاي جۇمىلا وتىرىپ، بىرگە جۇزەگە اسىراتىنىمىزعا سەنىمدىمىن»، - دەپ تۇيىندەدى ول.