بالقاش-الاكول باسسەينىنىڭ سۋ ايدىندارىندا براكونەرلىكتىڭ الدىن الۋ جانە ونىمەن كۇرەسۋ جۇمىستارىن جۇرگىزۋ بارىسىندا قاپشاعاي قالاسىندا بالىق رەسۋرستارىن زاڭسىز ساقتاۋ فاكتىسى انىقتالدى.
ايتا كەتسەك, ي. ازاماتشاسىندا 530 كەلى بالىقتىڭ بىرنەشە ءتۇرى, سونداي-اق 140 كم (140 000 مەتر) جۋىق پايدالانۋعا تىيىم سالىنعان بالىق اۋلاۋ قۇرالدارى (سينتەتيكالىق مونوجىپتەر مەن مونوتالشىق) تاركىلەندى. بالىق رەسۋرستارىنا كەلتىرىلگەن الدىن الا زالال كولەمى 1 ملن 211 مىڭ تەڭگەنى قۇرادى.
قازىرگى ۋاقىتتا اتالعان فاكتى بويىنشا قىلمىستىق ءىس قوزعالىپ, تەرگەۋ جۇمىستارى جۇرگىزىلۋدە, رەيدتىك ءىس-شارالار جالعاسۋدا.
