ANTIKOR • 19 مامىر، 2021

سىبايلاس جەمقورلىقپەن قوعام بولىپ كۇرەسۋ كەرەك – امانجول ءالتاي

85 رەت كورسەتىلدى

سىبايلاس جەمقورلىققا قارسى قىزمەتتىڭ AntikorLive جوباسىنىڭ كەزەكتى قوناعى اقتاڭگەر اقىن اتانعان، فيلولوگيا عىلىمدارىنىڭ دوكتورى، پروفەسسور امانجول ءالتاي بولدى، دەپ حابارلايدى Egemen.kz.

اڭگىمە سىبايلاس جەمقورلىققا قارسى مادەنيەتتى قالىپتاستىرۋداعى ءداستۇرلى قۇندىلىقتاردىڭ ماڭىزدىلىعىنا ارنالدى.

قوناق قازاق قوعامىنىڭ ەجەلدەن بەرى سىبايلاس جەمقورلىقتان جيرەنگەنىن سوزگە تيەك ەتتى. بۇعان ادامنىڭ ادالدىعى مەن ادىلدىگىن، پاراساتتىلىعىن ۇلىقتاپ، ساتقىندىق پەن ارامزالىقتى سىنايتىن قازاق اقىندارى مەن فيلوسوفتارىنىڭ كوپتەگەن شىعارمالارى دالەل بولا الادى.

«سىبايلاس جەمقورلىق جايلاعان ەلدە بەرەكە بولمايدى. ۇلت بولىپ ۇيىسۋدىڭ جولى – جەمقورلىقتان الاستاۋ، تەك وسى كەسەلدەن ايىققاندا عانا ەلىمىز ساۋىققان، سالاۋاتتى جولعا شىعادى»، دەپ ءوتتى ا.ءالتاي.

ول سىبايلاس جەمقورلىققا قارسى مادەنيەتتى قالىپتاستىرۋ تۋرالى ايتا كەلىپ، ول بۇل ماسەلەدە ەكى باعىتتا – ءبىلىم بەرۋ دەڭگەيىن ارتتىرۋ جانە جۇيەلى تاربيە جۇمىسىن جۇرگىزۋ باعىتىندا ايانباي ەڭبەك ەتۋ قاجەتتىگىنە نازار اۋداردى.

وسى تۇرعىدا امانجول ءالتاي «رۋحاني مۇرا» ءپانىن وقىتۋدى قايتا باستاۋدىڭ ماڭىزدىلىعىن اتاپ ءوتتى.

ونىڭ ايتۋىنشا، بۇرىن ل.ن. گۋميلەۆ اتىنداعى ەۇۋ-دە وقىتىلعان بۇل كۋرس بۇگىندە ءوزىنىڭ ومىرلىك قاجەتتىلىگى مەن وزەكتىلىگىن كورسەتىپ وتىر. سوندىقتان ول بۇل يدەيانى بۇكىل ەلگە تاراتۋدى ۇسىندى.

ا.ءالتايدىڭ پىكىرىنشە، سىبايلاس جەمقورلىققا قارسى كۇرەستى كۇشەيتۋ ماسەلەلەرىندە جازانى قاتاڭداتۋ كەرەك، ويتكەنى سىبايلاس جەمقورلىق – بۇل بۇگىنگى ۇرپاققا عانا ەمەس، بولاشاققا دا زيان كەلتىرەتىن ارەكەت.

 

 

سوڭعى جاڭالىقتار

ءالتىنساريننىڭ ادامي بولمىسى

رۋحانيات • بۇگىن، 00:01

ۋاقىت جاراتقان ۇلى جىر

ادەبيەت • كەشە

ۇقساس جاڭالىقتار