«قۇرمەتتى ولجاس ومار ۇلى!
ءسىزدى 85 جاسقا تولعان تۋعان كۇنىڭىزبەن شىن جۇرەكتەن قۇتتىقتايمىن!
ەگەمەن ەلىمىز əلەمدىك قاۋىمداستىق الدىندا سان سالادا قارقىندى دامۋدا. وسى ورايدا ءسىز ۇلى دالا ەلىنىڭ وركەندەۋىنە ولشەۋسىز ۇلەس قوسىپ كەلە جاتقان اعزام اقىن, حالىقارالىق دەڭگەيدە تانىلعان قايراتكەرسىز. ۇزاق جىلدان بەرى قالام سەرتىن قالتقىسىز اتقارىپ, كونە داۋىرلەردەن باستاۋ الاتىن, ۇلتتىق بوياۋى قانىق, جەر-جاھانداعى قۇبىلىستىڭ قاي-قايسىسىنا بيىكتەن قارايتىن ءورشىل ولەڭدەرىڭىزبەن, قوعامدىق ويعا قوزعاۋ سالاتىن پىكىرلەرىڭىزبەن حالىقتىڭ قۇرمەتى مەن ىستىق ىقىلاسىنا بولەنىپ كەلەسىز. سەمەي يادرو پوليگونىن جابۋعا سەپتەسكەن قاجىرلى ەڭبەگىڭىز ارقىلى تəۋەلسىز قازاقستاننىڭ بەيبىتسۇيگىش ەل ەكەنىن تانىتۋعا, شەت مەملەكەتتەرمەن قارىم قاتىناسىن جانداندىرۋعا اتسالىسىپ جاتىرسىز. ءسىزدىڭ ەلىمىزدەگى عىلىمي تاريحي ويدىڭ تامىرىنا قان جۇگىرتكەن مازمۇندى شىعارماشىلىعىڭىز ومىرشەڭدىگىن جويماق ەمەس.
الداعى ۋاقىتتا دا ۇلتىمىزدىڭ ابىرويىن اسقاقتاتىپ, مەرەيىن ۇستەم ەتەتىن قىزمەتىڭىز جەمىستى بولسىن. لايىم وسى جولدا قاناتىڭىز تالماي, قاجىر-قايراتىڭىزدىڭ ارتا بەرۋىنە تىلەكتەسپىن.
وسىناۋ ەرەكشە ءسəتتى پايدالانا وتىرىپ, سىزگە ۇزاق عۇمىر, زور دەنساۋلىق, قىزمەتتە تابىس, وتباسىڭىزعا اماندىق پەن ورتايماس نەسىبە-دəۋلەت تىلەيمىن!», دەپ جازىلعان قۇتتىقتاۋ حاتىندا.
