كوممۋنالدىق قىزمەتتەر 21 مامىر 22.00 مەن 22 مامىر 09.00 ارالىعىندا سۋمەن جابدىقتاۋ جەلىلەرىندە جوندەۋ جۇمىستارىن جوسپارلاپ وتىر:
مومىش ۇلى داڭعىلى مەن تولەباەۆ كوشەسىنىڭ قيىلىسىندا جاڭا ماگيسترالدى سۋ قۇبىرىن ورناتۋ;
مومىش ۇلى داڭعىلى مەن ساتباەۆ كوشەسىنىڭ قيىلىسىنداعى قىسىم رەتتەگىشتى جوندەۋ;
مومىش ۇلى, 1 داڭعىلى اۋدانىندا ولشەگىشتى اۋىستىرۋ.
وسىعان بايلانىستى اۋىز سۋ بەرۋ ۋاقىتشا توقتاتىلادى:
ەسىل اۋدانى بويىنشا – ماڭگىلىك ەل داڭعىلىندا, Nova city اۋدانىندا, زارەچنىي, تەلمانو جانە پريگورودنىي تۇرعىن الاپتارىندا, BI Village Family Village-دە, قابانباي باتىر داڭعىلى بويىنداعى تۇرعىن ۇيلەردە.
الماتى اۋدانى بويىنشا – مىڭجىلدىق اللەياسى اۋدانىندا, وڭتۇستىك-شىعىس تۇرعىن الابىنىڭ وڭ جاعىندا, قالداياقوۆ-تاۋەلسىزدىك-پانفيلوۆ-امانجولوۆ كوشەلەرىندە.
بۇدان باسقا, 22 مامىردا ساعات 10.00-دەن 17.00-گە دەيىن وسى اۋدانداردا قۇبىر جەلىلەرىن ىسكە قوسۋ جۇمىستارىنا بايلانىستى سۋدىڭ قىسىمى تومەن بولادى.
«بۇل جۇمىستار سۋمەن جابدىقتاۋ جەلىلەرىنىڭ ساپاسى مەن بەرىكتىگىن جاقسارتۋ ءۇشىن قاجەت. ۋاقىتشا قولايسىزدىقتارعا تۇسىنىستىكپەن قاراپ, ءبىر تاۋلىككە جەتەتىن اۋىز سۋدى تولتىرىپ الۋلارىڭىزدى سۇرايمىز», دەدى «استانا سۋ ارناسىنىڭ» وكىلدەرى.
