وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, 28 ناۋرىزدا ساعات 00:22-دە اتىراۋ قالاسىنىڭ 46 جاستاعى تۇرعىنى «102» وپەراتورىنا حابار بەرگەن.
«شاعىمدانۋشى 26-28 ناۋرىز ارالىعىندا بەلگىسىز ادامدار پاتەرگە ەركىن كىرىپ, سەيفتەن 56 ميلليون تەڭگەسىن جىمقىرعانىن ايتقان ەدى. وسى دەرەككە بايلانىستى كريمينالدىق پوليتسيا قىزمەتكەرلەرى كۇدىكتىنى انىقتاۋ ءۇشىن جەدەل-ىزدەستىرۋ ءىس-شارالارىن جۇرگىزدى», دەدى وبلىستىق پوليتسيا دەپارتامەنتىنىڭ باستىعى, پوليتسيا پولكوۆنيگى قامزا ۇمبەتقاليەۆ.
پوليتسەيلەر جابىرلەنۋشىنىڭ پاتەرىنەن قوماقتى اقشانى ۇرلاعان كۇدىكتىنى انىقتادى. كۇدىكتى – ءۇي قىزمەتشىسى بولىپ جۇمىس ىستەگەن 1979 جىلى تۋعان ايەل. ول شىمكەنت قالاسىندا ۇستالدى.
