تۇراقتى بىرىنشىلىك بارىسىندا ءار كوماندا «ۇيدەگى» جانە «تۇزدەگى» ويىندى قوسا العاندا بارلىعى 56 كەزدەسۋدەن وتكىزەدى. ول جارىس بيىلعى جىلدىڭ 1 قىركۇيەگىندە باستالىپ, كەلەسى جىلدىڭ 1 ناۋرىزىندا ءوز مارەسىنە جەتەدى. تۇساۋكەسەر كەزدەسۋدە ومبىلىق «اۆانگارد» پەن ماسكەۋدىڭ تسسكا كلۋبتارى كۇش سىناسادى. سونداي-اق 2022 جىلى بەيجىڭدە الاۋى تۇتاناتىن XXIV قىسقى وليمپيا ويىندارى كەزىندە ەكى اپتالىق ءۇزىلىس جاريالاۋ جاعى دا قاراستىرىلعان.
ەستەرىڭىزگە سالا كەتەيىك, عالامدىق دودا 4-20 اقپان ارالىعىندا ۇيىمداستىرىلادى دەپ جوسپارلانىپ وتىر.
العاشقى سىناقتان سۇرىنبەي وتكەن كوماندالار پلەي-وففقا جولداما الادى. گاگارين كۋبوگى جولىنداعى جارىس 4 ناۋرىزدا باستالادى. ال ايتۋلى دودانىڭ ەڭ ۇزدىك كومانداسى ءساۋىر ايىنىڭ سوڭعى كۇندەرى انىقتالادى.
قحل-دىڭ بىلتىرعى ماۋسىمى «اۆانگارد» كلۋبىنىڭ جەڭىسىمەن اياقتالعانى ەدى. فينالدا التى ويىننىڭ قورىتىندىسى بويىنشا تسسكا-نى 4:2 ەسەبىمەن ۇتقان ومبىلىق حوككەيشىلەر گاگارين كۋبوگىن ولجالادى.
