قوعام • 18 مامىر، 2021

راسيمانىڭ ءاسۇيى

40 رەت كورسەتىلدى

شاعىن اسحانادا جۇمىس قاۋىرت. مۇندا تاماقتانۋعا كەلەتىندەردىڭ دەنى قارتتار. قايىرىمدىلىق ماقساتتا ۇلەستىرىلەتىن تاعامدار تەك مۇقتاج جاندارعا عانا ارنالعانىنا قاراماستان، زەينەت جاسىنداعى تۇرعىندار ءۇشىن راسيما تەمەرباەۆا اشقان اسحاناداعى ءدامدى تاعامنان اۋىز تيۋ داستۇرگە اينالعان. وسىلايشا، كۇندەلىكتى الماتى قالاسىنداعى ايمانوۆ جانە شاشكين كوشەلەرىندەگى دۇڭگىرشەكتەر ماڭى تۇسكى مەزگىلدە ابىر-سابىر. مۇندا دەمالىستان تىس كۇندەلىكتى 150-دەي ادام تەگىن تاماقتانا الادى. بايقاعانىمىز، اسحاناعا زەينەتكەرلەر تاماقتانۋ ءۇشىن عانا كەلمەيدى. ءبىر-ءبىرىن ساعىنا كورىسكەن، اڭگىمە ايتۋعا بەيىل جانداردىڭ جۇزىنەن جىلىلىقتىڭ نىشانى بايقالادى.

وسىدان 6 جىل بۇرىن «جوبالاردى باسقارۋ» ترەنينگىنەن وتكەن الماتى قالاسىنىڭ تۇرعىنى راسيما تەمەرباەۆا تەگىن اسحانا اشۋ باستاماسىن قولعا العان بولاتىن. العا قويعان ماق­ساتىنىڭ قيىندىعىنا مويىماستان ىسكەر ايەل اجەسى مەن اناسىنىڭ قايىرىمدىلىق جاساۋ تۋرالى قاعيدالارىن قاپەردە ۇستاي­تى­نىن ايتادى.

«ۇيدە انام مەن ۇلىم جانە دە جاقىن­دارىم ماعان جىگەر بەرىپ وتىرادى. دەگەن­مەن بار ۋاقىتىم مەن كۇش-جىگەرىمدى قا­يىرىمدىلىق ىستەرگە ارناپ جۇرگەنىمدى تۇ­سىنبەيتىندەر دە كەزدەسەدى. مەن ءاردايىم كوپبالالى وتباسىلاردىڭ بالالارىنا، زەينەتكەرلەرگە جانە مۇگەدەكتىگى بار ادامدارعا كومەكتەسكىم كەلىپ تۇرادى»، دەيدى ىسكەر جان.

راسيمانىڭ الەۋمەتتىك جوبانى جۇزەگە اسىرۋعا دەگەن ويى وسىدان 20 جىل بۇرىن شاماسىندا تۋعان. پسيحولوگ، قارجىگەر ماماندىعى بولا تۇرا، الدىنا وسىنداي ماقسات قويعان قايىرىمدى جان جوبانى ىسكە اسىرۋدىڭ الىپپەسىن زەرتتەي باستايدى.

«مەن اقش-تا ازىق-ت ۇلىك بانكى بار ەكەنى جايىندا وقىپ بىلگەننەن كەيىن وسى جوبانى قولعا الۋعا قىزىعۋشىلىعىم تۋدى. بۇل جوبا ازىق-ت ۇلىك جيناپ، ولاردى مۇقتاج ادامدارعا ۇلەستىرۋ سياقتى قايىرىمدىلىقتى كوز­دەيدى. جوبانى زەرتتەپ بولعاننان كەيىن العان باعىتىمدى انىقتاعانداي بولدىم. دەگەنمەن جوبا تۇجىرىمداماسىنا سايكەس ازىق-ت ۇلىك بانكى تولىققاندى بولۋى كەرەك. الايدا كوپ مولشەردە ازىق-ت ۇلىك ۇلەستىرە الماعانىمىزبەن دە، الداعى ۋاقىتتا بۇل ماقساتىمىزعا جەتەمىز دەپ ويلايمىن»، دەيدى كاسىپكەر.

جوبا تەگىن تاماق ۇلەستىرۋمەن عانا شەكتەلمەيدى. ونىڭ الەۋمەتتىك سيپاتى باسىم. ويتكەنى قوعامدا قامقورلىققا، مەيىرىمگە مۇقتاج قارت ادامدارعا كوڭىل ءبولۋ جاعى جەتىڭكىرەمەيدى. اسحاناعا كە­لەتىندەردىڭ اراسىندا بۇرىن ۇستاز بولىپ ەڭبەك ەتكەندەر، دارىگەرلەر مەن عىلىمي قىز­مەتكەرلەر دە بار. راسيمانىڭ ايتۋىنشا، ولار ءۇشىن سەرۋەندەپ قايتاتىن، كوڭىلدى ورتا ءاردايىم قاجەت. كەلۋشىلەردىڭ الدى 80 جاستا. قارت ادامدارعا اس ازىرلەپ ءىشۋ قيىنعا سوعاتىندىقتان، اسحاناداعى ىستىق ءارى بۋعا بۇقتىرىلعان جەڭىل تاماقتار – زەينەتكەرلەر ءۇشىن تاپتىرمايتىن اس ءمازىرى. ويتكەنى ولاردىڭ اراسىندا قانت ديابەتى، سوزىلمالى اۋرۋلارى بار جاندار بارشىلىق. مۇندا اس ءمازىرى كۇن سايىن وزگەرىپ وتىرادى. كوپشىلىككە تارىدان جاسالعان تاعامدار، بورشش، بۇرشاق سورپاسى ۇنايدى.

«ديەتالىق تاعام قارتتارعا عانا ەمەس، كوپشىلىكتىڭ دەنساۋلىعىنا دا پايدالى. تۇسكى اس كەزىندە قارت ادامدار ءبىر-بىرىمەن ءتىل تابىسىپ، وسى ماڭعا ورتاق اڭگىمە دۇكەن قۇرۋعا كەلەدى. جالعىز قالۋدان جالىعاتىن جاندار جاستىق شاقتارىن، جۇمىس ىستەگەن جىلدارىن، وتباسىنداعى قىزىقتارمەن ءبولىسىپ، ءبىر مەزگىل كوڭىل كوتەرىپ، سەرگىپ قايتادى. ءبىزدىڭ جوبامىز وسىلايشا جالعىزىلىكتى جانداردىڭ قوعامعا قاجەت ەكەنىن، جاسى ۇلكەن بولسا دا قانداي دا ءبىر قوعامدىق ىسكە جارامدى ەكەنىن سەزىنۋگە قولداۋ كورسەتۋدى ماقسات ەتەدى. قارت ادامداردىڭ مەرەيى ۇستەم بولسا، قوعامدا دا ىزگىلىكتى ورتا قالىپتاسادى. مەن ءوز جوبامنىڭ قولداۋ تاۋىپ، قوعامعا پايداسى ءتيىپ جاتقانىنا قۋانامىن»، دەيدى ر.تەمەرباەۆا.

وسىنداي يگى ىسىمەن كوپشىلىك­تىڭ العىسىنا بولەنىپ جۇرگەن كەيىپكەرىمىز 2015 جىلى «ەڭ ۇزدىك ەرىكتى» اتالسا، 2017 جىلى «التىن جۇرەك» سىيلىعىن يەلەنگەن. 2018 جىلى «قازاق­ستاننىڭ ۇزدىك الەۋمەتتىك جوبالارى» رەسپۋبليكالىق بايقاۋىندا 1-ورىن، 2019 جىلى «قايىرىمدىلىق كەرۋەنى» بايقاۋىندا دا 1-ورىندى يەلەنگەن. ال بىلتىر «حالىق العىسى» مەدالىنە لايىقتى دەپ تانىلدى.

قيىنشىلىعى مەن قۋانىشى قاتار ورىلگەن وسىناۋ يگى ىستە راسيماعا دوستارى، جاناشىر ازاماتتار مەن الماتىلىق بيزنەسمەندەر كومەكتەسۋدە. وسى ۋاقىت ىشىندە جوبا قايىرىمدىلىققا بەيجاي قارامايتىن ازاماتتاردىڭ ەسەبىنەن ىسكە اسىپ كەلەدى. اسۇيدە ءبىر كەزدەرى جوباعا ەرىكتى رەتىندە قاتىسقاندار جۇمىس ىستەيدى. كاسىبي اسپازدار بولماعانىمەن، سالاعا قاتىستى بىلىكتىلىكتەرىن ارتتىرىپ وتىرادى. ولاردىڭ ەڭبەكاقىسى الماتى قالاسىنىڭ جۇمىسپەن قامتۋ اياسىندا تولەنەدى.

ء«بىز قانداي دا قيىندىقتار بولسىن جوبانى توقتاتىپ الماۋ ءۇشىن تىرىسىپ كەلەمىز. دەگەنمەن ەڭ قيىن ساتتەر ارتتا قالدى. وسىدان ءتورت جىلداي بۇرىن قا­راجاتتىڭ جوقتىعىنان جوبانى ءبىر جارىم ايعا توقتاتۋعا تۋرا كەلدى. وسىنداي ساتتە دوستارىمىز بەن جاقىندارىمىز قول­داۋ كورسەتىپ، مەن دايىنداعان جارتىلاي فا­بري­كاتتاردى ساتىپ الدى. سول كەزدە دە قاريالار جاعى سەنىم ارتىپ، جۇمىستىڭ قايتا جانداناتىندىعىنا قولداۋ بىلدىرگەن بولاتىن. اقپارات قۇرالدارى دا ماسەلە كو­تەرىپ، ناتيجەسىندە دەمەۋشى دە تابىلدى، جۇمى­سىمىز دا العا باستى. ساتۋدان تۇسكەن قارا­جاتتىڭ دا پايداسى زور بولدى»، دەيدى راسيما.

ونىڭ ايتۋىنشا، قوعامداعى كەز كەلگەن يگى ءىس دەمەۋشىلەردىڭ ارقاسىندا جۇزەگە اسادى ءارى بىرلەسكەن كۇش-جىگەر قاجەت. وعان دالەل رەتىندە پاندەمياعا بايلانىستى توتەنشە جاعداي كەزىندە راسيمانىڭ ءاسۇيى جەدەل جاردەم ستانسا دارىگەرلەرىنە دە قول­داۋ كورسەتىپ، تەگىن تاماقتاندىرعانىن ايتا كەتكەن ابزال. بۇل يگى شاراعا الماتى مەن نۇر-سۇلتانداعى 20 ءدامحانا مەن مەيرامحانا قوسىلدى. وسى ۋاقىتتا 20 مىڭنان استام تۇسكى اس بەرىلدى. اۋقات ارتىلىپ قال­عان جاعدايدا باسقا دا قايىرىمدىلىق قور­لارىنا ازىق-ت ۇلىكپەن كومەكتەسىپ، كوپ­بالالى وتباسىلارعا، جالعىزباستى ادامدارعا دا قول­داۋ كورسەتىلدى. وسىلايشا، بىرلەسكەن كۇش-جىگەر­دىڭ ارقاسىندا كوپ­تەگەن قيىندىق ارتتا قالدى.

قوعامداعى مۇقتاج، قامكوڭىل جان­دار­­عا جاقسىلىق جاساۋدى ماقسات ەتكەن راسيمانىڭ ءاسۇيى قانداي دا بولسىن قيىندىقتارعا قاراماستان، ءاردايىم قۋا­نىش­قا تولى. ال جانارلارىنان جىلى­لىق سەزى­لەتىن جانداردىڭ راسيما مەن وسى اس­حانا قىزمەتكەرلەرىنە العىستان باسقا ايتارى جوق.

 

الماتى

سوڭعى جاڭالىقتار

«مەن قازاقشا سويلەيمىن»

ءبىلىم • بۇگىن، 09:37

كىتاپسىز دا دۇنيە بوس

پىكىر • بۇگىن، 09:33

ەل ەرتەڭىنە قامقورلىق كۇشەيەدى

باعدارلامالار • بۇگىن، 09:21

جاستارمەن جۇزدەسۋ

وقيعا • بۇگىن، 09:13

اۋىل بالالارىنىڭ ءۇمىتىن ۇكىلەيدى

باعدارلامالار • بۇگىن، 09:05

قانت ءوندىرىسىنىڭ قاۋقارى قانداي؟

ەكونوميكا • بۇگىن، 08:51

ىندەتپەن كۇرەستە ىركىلمەگەن مامان

كوروناۆيرۋس • بۇگىن، 08:34

ارمانىنا جەتكەن جان

رۋحانيات • بۇگىن، 08:30

وتانشىلدىق – تاۋەلسىزدىك تىرەگى

رۋحانيات • بۇگىن، 08:16

العىس ارقالاعان جاناشىر جاندار

مەديتسينا • بۇگىن، 08:01

حەم اعاي

ادەبيەت • كەشە

نەسيە كورسەتكىشى ارتتى

ەكونوميكا • كەشە

ۇقساس جاڭالىقتار