قازاقستان • 17 مامىر، 2021

كۋبا جانە قازاقستان ايەل قۇقىعى مەن مۇمكىندىكتەرىن كەڭەيتۋ جولىندا بىرلەسپەك

11 رەت كورسەتىلدى

قازاقستان رەسپۋبليكاسى پرەزيدەنتىنىڭ جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ ءتورايىمى ءلاززات رامازانوۆا كۋبا رەسپۋبليكاسىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى ەميليو پەۆيدو پۋپو مىرزامەن كەزدەستى، دەپ حابارلايدى Egemen.kz.

كەزدەسۋ وتكىزۋ جايىندا كۋبالىق تاراپ كۋبا ايەلدەرىنىڭ فەدەراتسياسىمەن (FMC) ىنتىماقتاستىقتى نىعايتۋ ماقساتىندا باستاما كوتەرگەن. الەمدەگى بارلىق ايەلدەر ۇيىمدارىمەن بايلانىس ورناتۋ جانە ونى نىعايتۋ FMC ۇيىمىنىڭ كۇن تارتىبىندەگى باستى ماقساتتىڭ ءبىرى. بۇل كەزدەسۋ حالىقارالىق ۇيىمدار اياسىنداعى قازاقستاندىق-كۋبالىق ءوزارا قارىم-قاتىناستى نىعايتۋعا، ەكى تاراپتىڭ بۇۇ اياسىنداعى مىندەتتەمەلەرىن ورىنداۋعا، ايەلدەرگە قاتىستى كەمسىتۋشىلىكتىڭ بارلىق ءتۇرىن جويۋ جونىندەگى تۇجىرىمداما اياسىندا قابىلدانعان مىندەتتەردى ورىنداۋعا ىقپال ەتپەك.

كەزدەسۋدە قازاقستاندىق-كۋبالىق قارىم-قاتىناستى دامىتۋدىڭ جوعارى دەڭگەيدە ەكەنى ايتىلدى. قوس تاراپتىڭ كۇن تارتىبىندەگى جانە جالپىعا ورتاق اۋقىمدى سۇراقتار تالقىلاندى. كەزدەسۋدە تاراپتار حالىقارالىق ارەناداعى الەۋمەتتىك ماڭىزدى ماسەلەلەردە نۇر-سۇلتان مەن گاۆانا اراسىنداعى ىنتىماقتاستىقتى نىعايتا تۇسۋگە مۇددەلى ەكەنىن تانىتتى. اتاپ ايتقاندا، ايەلدەر قۇقىعى جانە ولاردىڭ مۇمكىندىكتەرىن كەڭەيتۋ جولىنداعى ءوزارا ىنتىماقتىڭ ماڭىزى زور.

سوڭعى جاڭالىقتار

دوللار قىمباتتادى

قارجى • كەشە

ۇقساس جاڭالىقتار