وبلىستىق سوتتىڭ ءباسپاسوز قىزمەتىنىڭ مالىمەتى بويىنشا, 53 جاستاعى قالا تۇرعىنى م.ءجۇسىپ كوشەسىندە مىسىقتاردى اۋلادان قۋىپ جىبەرمەك بولىپ تاس لاقتىرعان. الايدا تاس كورشىسىنە ءتيىپ, دەنساۋلىعىنا قاساقانا جەڭىل دارەجەدە زيان كەلتىرگەن.
«ساراپشىنىڭ قورىتىندىسىنا سايكەس ازاماتشانىڭ ماڭداي تۇسىندا جاراقات بولعان. سوتتا ازامات ءوزىنىڭ كىناسىن مويىنداپ, جاساعان ىسىنە وكىنەتىنىن ايتتى جانە مىسىقتارعا تاس لاقتىرعان كەزدە كەزدەيسوق كورشىسىنە ءتيىپ كەتكەنىن ءتۇسىندىردى», دەيدى ءباسپاسوز قىزمەتىندە.
سوت قالا تۇرعىنىن اكىمشىلىك كودەكستىڭ 73-1-بابىنىڭ 1-بولىگىنە سايكەس كىنالى دەپ تانىپ, مەملەكەت كىرىسىنە 30 629 تەڭگە كولەمىندە ايىپپۇل تۇرىندەگى جازا تاعايىندادى.
سوت قاۋلىسى زاڭدى كۇشىنە ەنگەن جوق.
