قوعام • 17 مامىر، 2021

بيىل 18 اۆتوجول اقىلى جۇيەگە اۋىسادى

6 رەت كورسەتىلدى

«QazAvtoJol» كومپانياسىنىڭ مالىمەتىنشە، ماۋسىم ايىنان باستاپ 18 اۆتوجول ۋچاكەسى اقىلى جۇيەگە اۋىسادى، دەپ حابارلايدى Egemen.kz.

ينفراقۇرىلىمدى دامىتۋدىڭ «نۇرلى جول 2020-2025» مەملەكەتتىك باعدارلاماسى اياسىندا ەلىمىزدە 11 مىڭ شاقىرىم اۆتوجول اقىلى جۇيەگە اۋىسادى. ونىڭ ىشىندە جالپى ۇزىندىعى 5،8 مىڭ شاقىرىمدى قۇرايتىن 18 ۋچاسكە اعىمداعى جىلدىڭ ماۋسىم ايىنان باستاپ پايدالانۋعا بەرىلەدى.

ولار: شىمكەنت-وزبەكستان شەكاراسى، ورال-رەسەي فەدەراتسياسىنىڭ شەكاراسى (ساراتوۆ)، ورال-رەسەي شەكاراسى (سامارا)، رەسەي شەكاراسى (ورىنبور)- اقتوبە، ششۋچينسك-پەتروپاۆل، شىمكەنت-قىزىلوردا، شىمكەنت-تاراز، تاراز-قاينار، قاپشاعاي-تالدىقورعان، قارابۇتاق-قىزىلوردا، اقتوبە-ورال، اتىراۋ- بەينەۋ- وزبەكستان شەكاراسى، اقتاۋ-بەينەۋ، قوستاناي-رەسەي شەكاراسى (ترويتسك)، نۇر-سۇلتان-قوستاناي، پاۆلودار- رەسەي شەكاراسى (ومبى)، نۇر-سۇلتان-پاۆلودار، پاۆلودار-سەمەي-قالباتاۋ ۋچاسكەلەرى.

ءار ۋچاسكە بويىنشا قانداي اۆتوكولىكتەردەن تولەماقى الىناتىنى تاس جولدىڭ تەحنيكالىق ساناتىنا تىكەلەي بايلانىستى. ماسەلەن، ءى- تەحنيكالىق ساناتتاعى تاس جولداردا بارلىق اۆتوكولىكتەر، ال ءىى جانە ءىىى-تەحنيكالىق ساناتتاعى تاس جولداردا تەك جۇك كولىكتەرى تولەم جاسايدى. وسى ساتتە، العاشقى اقىلى ۋچاسكە ەنگىزىلگەن كەزدەن باستاپ بۇگىنگى كۇنگە دەيىن اقىلى جولداردىڭ تاريفتەرىنە وزگەرىس ەنگىزىلمەگەنىن، باعانىن وسپەگەنىن ەرەكشە اتاپ ءوتۋ قاجەت. ال جاڭا اقىلى ۋچاسكەلەر بويىنشا تولەم مولشەرلەمەسى قر يندۋستريا جانە ينفراقۇرىلىمدىق دامۋ مينيسترلىگىندە قارالىپ جاتىر. 

سونداي-اق تەستىك پايدالانۋ بارىسىندا اۆتوكولىكتەردەن ۋاقىتشا تولەم الىنبايدى.

مەملەكەتتىك باعدارلامانى جۇزەگە اسىرۋ جوسپارىنىڭ نەگىزىندە، قازاقستان رەسپۋبليكاسىنىڭ يندۋستريا جانە ينفراقۇرىلىمدىق دامۋ مينيسترلىگى مەن «QazAvtoJol» ۇك» اق بىرلەسىپ تولەم الۋدىڭ «اشىق جۇيەسىن» ەنگىزۋ تۋرالى شەشىم قابىلدادى.

جۇيەنىڭ ەرەكشەلىگى – ۋچاسكەلەردە شلاگباۋمدار بولمايدى. اۆتوكولىكتەردىڭ ءجۇرىپ وتكەن جولى تۋرالى اقپارات اركالاردا ورنالاسقان ارنايى كامەرالار ارقىلى تىركەلەدى. تولەم اۆتوكولىكتىڭ مەملەكەتتىك تىركەۋ ءنومىرى بويىنشا جاسالادى. سونداي-اق، تولەماقى مەن اۆتوكولىك تۋرالى تولىق اقپارات الۋعا مۇمكىندىك بەرەتىن ارنايى بەلگىلەردى (RFID-بەلگى) جاپسىرۋ دا كوزدەلگەن.

جاڭا اقىلى ۋچاسكەلەر جۇرگىزۋشىلەر مەن جولاۋشىلاردىڭ ساپارى جايلى بولۋى مەن قاۋىپسىزدىگىن قامتاماسىز ەتەدى. جول-كولىك اپاتى ازايىپ، جول ينفراقۇرىلىمى، جول بويىنداعى سەرۆيس نىساندارى، تاۋلىك بويى ۇسىنىلاتىن سەرۆيس بەلسەندى داميتىن بولادى.

اقىلى جۇيە ەنگىزىلمەستەن بۇرىن اۆتوجولدار قايتا جاڭارتىلاتىنىن ەسكەرۋ قاجەت. قايتا جاڭارتۋعا دەيىنگى جانە جاڭا جولدارداعى جول-كولىك اپاتىنىڭ كورسەتكىشتەرىنە سۇيەنەتىن بولساق، اقىلى جولداردى پايدالانۋعا بەرگەننەن كەيىن جول-كولىك اپاتتارىنىڭ سانى ازاياتىنى دالەلدەنگەن.

مىسالى، قايتا جاڭارتۋ جۇمىستارى جۇرگىزىلگەننەن كەيىن «اقتوبە-ورال-رەسەي شەكاراسى» اۆتوجولىنداعى كولىك اپاتى 25%-عا، «نۇر-سۇلتان-پاۆلودار» اۆتوجولىندا 46%-عا، «قىزىلوردا-شىمكەنت-تاراز» اۆتوجولىندا 43%-عا، ال «پاۆلودار-سەمەي-قالباتاۋ» ۋچاسكەسىندە 62%-عا تومەندەگەن.

جاڭا اقىلى ۋچاسكەلەر كولىك قوزعالىسىنا قاتىسۋشىلاردىڭ قاۋىپسىزدىگىن قامتاماسىز ەتۋ ۇستانىمى بويىنشا سالىنعان. سول سەبەپتى، ولار ەنگىزىلگەن ساتتەن باستاپ رەسپۋبليكالىق ماڭىزى بار اۆتوجولداردا جول-كولىك اپاتىنىڭ سانى ازايادى دەپ جوسپارلانعان.

سوڭعى جاڭالىقتار

ستۋدەنتتەردىڭ ستيپەندياسى كوبەيەدى

ايماقتار • 11 ماۋسىم، 2021

اقتوبە وبلىسىنا باس يمام تاعايىندالدى

تاعايىنداۋ • 11 ماۋسىم، 2021

ۇقساس جاڭالىقتار