ءوڭىر «جاسىل» ايماققا وتكەنىمەن, باس سانيتارلىق دارىگەردىڭ قاۋلىسى ءالى شىعا قويعان جوق. سوندىقتان دا شەكتەۋ شارالارى بۇرىنعىداي ساقتالادى. ءتىپتى, جاعداي وڭالا قويماسا جاعاجايلاردا دا مەديتسينالىق بەتپەردە كيۋگە تۋرا كەلەدى.
ەستەرىڭىزگە قايتا ءبىر سالا كەتسەك, وبلىستىق باس مەملەكەتتىك سانيتارلىق دارىگەرىنىڭ 15 ساۋىردەگى قاۋلىسىنا سايكەس, حالىق قوعامدىق ورىنداردا, ونىڭ ىشىندە ايالدامالاردا مەديتسينالىق نەمەسە ماتا ماسكالارىن مىندەتتى تۇردە تاعۋى كەرەك. جاعاجاي قوعامدىق ورىن بولعاندىقتان, ول جەردە دە مەديتسينالىق بەتپەردە كيۋ مىندەتتى.
شىعىس قازاقستان وبلىسىنىڭ سانيتارلىق-ەپيدەميولوگيالىق باقىلاۋ دەپارتامەنتى ماماندارىنىڭ حابارلاۋىنشا, الەۋمەتتىك قاشىقتىقتى ساقتاعان جاعدايدا مەديتسينالىق ماسكاسىز شومىلۋعا رۇقسات ەتىلەدى. شەكتەۋ شارالارىن بۇزۋ فاكتىلەرى انىقتالسا, اكىمشىلىك شارا قولدانىلادى.
