قازاقستان • 17 مامىر، 2021

«استانا LRT»: پروكۋرور ايىپتالۋشىلارعا قانداي جازا قولدانۋ كەرەكتىگىن ايتتى

105 رەت كورسەتىلدى

نۇر-سۇلتاندا Astana LRT قارجىسىن ۇرلاۋ بويىنشا سوت پروتسەسى جالعاسۋدا. بۇگىن پروكۋرور جەتى ايىپتالۋشىنى 7 جىلدان 11 جىلعا دەيىن باس بوستاندىعىنان ايىرۋدى سۇرادى، دەپ حابارلايدى Egemen.kz zakon.kz سايتىنا سىلتەمە جاساپ.

ءىس بويىنشا ۇكىم 27 ساۋىردە جاريالانۋى كەرەك ەدى. بىراق سۋديا قاجىمۇحان مەكەمتاس كەڭەسۋ بولمەسىنەن ورالىپ، قاماۋعا الىنعان ادامنىڭ قانداي مۇلكى بارىن انىقتاۋ ءۇشىن سوت تەرگەۋىن قايتا باستاۋعا بۇيرىق بەرگەن ەدى.

بۇگىن، ياعني، 17 مامىردا سۋديا ءجارىسسوزدىڭ باستالعانىن جاريالادى. پروكۋرور دياس يانگالىشوۆ ەلوردانىڭ جولاۋشىلار كولىگى جانە اۆتوموبيل جولدارى باسقارماسىنىڭ بۇرىنعى باستىعى راشيد امانجولوۆتى 11 جىلعا باس بوستاندىعىنان ايىرۋدى، مەملەكەتتىك قىزمەتتە قىزمەت اتقارۋعا تىيىم سالۋدى، جازاسىن قاۋىپسىزدىگى بارىنشا جوعارى كولونيادا وتەۋدى سۇرادى.

ءوز سوزىندە ول ر.امانجولوۆ پەن ج.نۇرپەيىسوۆتىڭ بۇل قىلمىستا ەرەكشە رولگە يە ەكەنىن ايتتى.

پروكۋرور نۇر-سۇلتان قالاسى ءماسليحاتىنىڭ بۇرىنعى دەپۋتاتى جانە حاتشىسى جانات نۇرپەيىسوۆتىڭ مۇلكىن تاركىلەپ، مەملەكەتتىك قىزمەتتە، جەرگىلىكتى ءوزىن-ءوزى باسقارۋ ورگاندارىندا، ۇلتتىق بانك پەن ونىڭ ۆەدومستۆولارىندا، كۆازيمەملەكەتتىك ۇيىمداردا 5 جىل مەرزىمگە لاۋازىمداردى اتقارۋعا تىيىم سالىپ، 9 جىلعا قاماۋدى تالاپ ەتتى. سونىمەن قاتار «قۇرمەت» وردەنىنەن ايىرۋ ۇسىنىلدى.

ال «Astana Innovations» اق باسقارما توراعاسى بولعان تالعات ءاشىمنىڭ 11 جىلىن ورتاشا قاۋىپسىز كولونيادا وتكىزۋىن سۇرادى.

«استانا LRT» كومپانياسىمەن ىنتىماقتاسقان كاسىپورىنداردىڭ قىزمەتكەرلەرىنە 7 جىلدان 11 جىلعا دەيىن باس بوستاندىعىنان ايىرۋ جازاسى تاعايىنداۋدى ءوتىندى.

ۇلىقبەك اچيلوۆتىڭ مۇلكى تاركىلەنىپ، 11 جىلعا باس بوستاندىعىنان ايىرىلۋى مۇمكىن.

تيمۋر قاساباەۆقا 8 جىل، دۋلات مۋسەنوۆتىڭ مۇلكىن تاركىلەپ، 7 جىلعا قاماۋ ۇسىنىلدى.

سول سەكىلدى داۋرەن ءابدىحاميتوۆ 11 جىلعا سوتتالۋى مۇمكىن.

ايتا كەتەيىك، تاعى ەكى كۇدىكتى ينتەرپول جەلىسى بويىنشا ىزدەۋدە. ولاردىڭ ەسىمدەرى - تالعات اردان جانە قانات سۇلتانبەكوۆ. ءبىرىنشىسى – «استانا LRT» باسشىسى، ەكىنشىسى – نۇر-سۇلتان اكىمىنىڭ ورىنباسارى بولعان.

سوڭعى جاڭالىقتار

ستۋدەنتتەردىڭ ستيپەندياسى كوبەيەدى

ايماقتار • 11 ماۋسىم، 2021

اقتوبە وبلىسىنا باس يمام تاعايىندالدى

تاعايىنداۋ • 11 ماۋسىم، 2021

ۇقساس جاڭالىقتار