الەم • 17 مامىر، 2021

سولتۇستىك كورەيا فۋتبولشىلارى ىرىكتەۋ ءتۋرنيرىن جالعاستىرۋدان باس تارتتى

11 رەت كورسەتىلدى

فۋتبولدان سولتۇستىك كورەيا قۇراماسى 2022 جىلى كاتاردا وتەتىن الەم چەمپيوناتىنىڭ جولدامالارى ساراپقا سالىنىپ جاتقان جارىستى جالعاستىرۋدان باس تارتاتىنى جايىندا رەسمي تۇردە مالىمدەدى.

ازيا قۇرلىعىنداعى ن توبىندا ونەر كورسەتكەن ولار وسى كۇنگە دەيىن بەس كەزدەسۋ وتكىزىپ ۇلگەرگەن ەدى. سول ويىنداردىڭ ەكەۋىندە جەڭىسكە جەتىپ، بىرەۋىندە ەسە جىبەردى. تاعى ەكى باسەكەدە تەڭ ەسەپ تىركەلدى. بۇل توپتا 9 ۇپايدى ولجالاعان تۇركمەنستان ءبىرىنشى ورىندا كەلەدى. كوش باسىنداعى كوماندادان وڭتۇستىك كورەيا، ليۆان جانە سولتۇستىك كورەيانىڭ ءبىر ۇپايى كەم. بايىپتاپ قاراساق، ايتۋلى مەملەكەتتىڭ اياق دوپ شەبەرلەرىنىڭ دە جولدامادان ءۇمىتى بار ەكەنىن اڭعارۋ قيىن ەمەس. بىراق كۇللى الەمدى جايلاعان كوروناۆيرۋس دەرتىنىڭ ورشۋىنە وراي ولار ىرىكتەۋ ءتۋرنيرىن ودان ءارى جالعاستىرۋدان باس تارتتى.

سولتۇستىك كورەيا فۋتبولى جايىندا ايتار بولساق، ولار الەم چەمپيوناتىنا نەبارى ەكى مارتە عانا قاتىستى. 1966 جىلى انگليادا تورتكۇل دۇنيە جانكۇيەرلەرىن تاڭداندىرىپ، شيرەك فينالعا دەيىن جەتسە، 2010 جىلى وار-دا ءوز توبىندا سوڭعى ورىندا قالىپ قويدى.

سوڭعى جاڭالىقتار

ستۋدەنتتەردىڭ ستيپەندياسى كوبەيەدى

ايماقتار • 11 ماۋسىم، 2021

اقتوبە وبلىسىنا باس يمام تاعايىندالدى

تاعايىنداۋ • 11 ماۋسىم، 2021

ۇقساس جاڭالىقتار