الاتاۋ بوكتەرىندەگى جيىن اياقتالعاننان كەيىن ءبىزدىڭ سپورتشىلار 11-13 ماۋسىم ارالىعىندا فرانتسيانىڭ استاناسى – پاريجدە وتەتىن ليتسەنزيالىق تۋرنيرگە اتتانادى. كۇنى كەشە عانا ايتۋلى جارىستا قىزدارىمىز قانداي قۇرامدا ونەر كورسەتەتىنى بەلگىلى بولدى.
50 كيلو سالماقتا سىر بويىنىڭ سۇلۋى, ازيا چەمپيونى ءمولدىر جاڭبىرباي كۇش سىناسادى. 55 كيلو سالماق دارەجەسىندە ماڭعىستاۋلىق سابينا زاحاروۆاعا سەنىم ارتىلىپ وتىر. ول قۇرلىق بىرىنشىلىگىنىڭ قولا جۇلدەگەرى. اسا اۋىر سالماقتا سوفيا بەرۋلتسەۆا (+68 كەلى) ايقاس الاڭىنا شىعادى. 21 جاستاعى شىمكەنت قالاسىنىڭ تۋماسى جاستار اراسىندا الەم جانە ازيا چەمپيونى اتانىپ, ايەلدەر سايىسىندا دا كوپتەگەن حالىقارالىق جارىستاردا توپ جاردى.
ال ەرلەر اراسىندا وتەتىن تۋرنيردە قازاق ەلى نامىسىن كىمدەردىڭ قورعايتىنى تاياۋ كۇندەرى بەلگىلى بولادى.
ەستەرىڭىزگە سالا كەتەيىك, ازىرگە قازاقستان قۇراما كومانداسىنىڭ قورجىنىندا ءبىر عانا جولداما بار. ونىڭ يەگەرى – 67 كيلو سالماقتاعى دارحان ءاسادىلوۆ. ال پاريجدەگى جارىستا العاشقى ۇشتىككە ەنگەن سپورتشىلار عانا توكيودا الاۋى تۇتاناتىن وليمپيا ويىندارىنا قاتىساتىنداردىڭ تىزىمىنە قوسىلادى.
