پاۆلودار وبلىسىنىڭ اقپارات جانە قوعامدىق دامۋ باسقارماسىنىڭ مالىمەتى بويىنشا, ۇلتتىق بايقاۋدىڭ ايماقتىق كەزەڭى كونكۋرسقا ءوزىن-ءوزى ۇسىنۋ جولىمەن, سونداي-اق جەرگىلىكتى اتقارۋشى ورگانداردىڭ, قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن تىركەلگەن زاڭدى تۇلعالاردىڭ ۇسىنۋى بويىنشا وتباسىلار قاتىسادى.
– كونكۋرسقا قاتىسۋعا ەڭبەكتە, سپورتتا, شىعارماشىلىق, زياتكەرلىك, عىلىمي جەتىستىكتەرى بار, سونداي-اق قوعامدىق پايدالى قىزمەتكە قاتىساتىن (ۆولونتەرلىك, قايىرىمدىلىق, مەتسەناتتىق, تالىمگەرلىك) وتباسىلار جىبەرىلەدى. وبلىستىق كەزەڭنىڭ جەڭىمپاز وتباسىلارىنا «مەرەيلى وتباسى» لاۋرەاتى اتاعى, اتاپ ايتقاندا, ديپلوم جانە ايرىقشا بەلگى (ستاتۋەتكا), بەرىلەدى. سونداي-اق ىنتالاندىرۋ سىيلىقتارمەن ماراپاتتالادى, – دەپ جازىلعان حابارلامادا.
كونكۋرستى وتكىزۋدىڭ ماقساتتارى:
- وتباسى ينستيتۋتىن, ادامگەرشىلىكتى, رۋحانيلىقتى نىعايتۋ, ەرلى-زايىپتىلار اراسىنداعى جاۋاپكەرشىلىكتى ارتتىرۋ;
- اتا-انالاردىڭ بالا تاربيەلەۋدەگى جاۋاپكەرشىلىگىن ارتتىرۋ;
- وتباسىلىق قۇندىلىقتاردى, كامەلەتكە تولعان بالالارىنىڭ ەڭبەككە قابىلەتسىز جانە ەگدە جاستاعى اتا-انالارىنا قامقور بولۋىن دارىپتەۋ جانە كەڭىنەن ناسيحاتتاۋ;
- قازاقستاندىق وتباسىنىڭ جاعىمدى ءيميدجىن ناسيحاتتاۋ.
ەستەرىڭىزگە سالا كەتەيىك, «مەرەيلى وتباسى» بايقاۋى قازاقستاندا 2014 جىلدان باستاپ وتكىزىلىپ جاتىر. ونىڭ باستى ماقساتى – ادامگەرشىلىك قۇندىلىقتاردى جاڭعىرتۋ جانە وتباسى مەن نەكەنىڭ جاعىمدى كورىنىسىن قالىپتاستىرۋ.
