قوعام • 15 مامىر، 2021

اقساي قالاسىندا 6 ادام تاماقتان ۋلانىپ قالدى

15 رەت كورسەتىلدى

ءبورلى اۋداندىق ورتالىق اۋرۋحاناسىنىڭ ديرەكتورى شىڭعىس سارسەنعاليەۆتىڭ ءمالىم ەتكەنىندەي، وقيعا 12، 13 جانە 14 مامىر كۇندەرى بولدى، دەپ حابارلايدى Egemen.kz قازاقپاراتقا سىلتەمە جاساپ.

شىڭعىس سارسەنعاليەۆتىڭ ايتۋىنشا، التى ادامنىڭ بەسەۋى – قاراشىعاناق كەن ورنىنا قاتىستى قىزمەت اتقاراتىن ءتۇرلى كومپانيالاردىڭ جۇمىسشىلارى. ال 12 مامىر كۇنى تۇسكەن ءتورت ادامنىڭ ەكەۋى جانساقتاۋ بولىمىنە جاتقىزىلدى.

سونىڭ ىشىندە بىرەۋى – جۇمىسشىنىڭ ايەلى. ول كۇيەۋى جۇمىستان الىپ كەلگەن پلاستيكالىق ىدىسقا سالىنعان تاماقتى جەگەن. ايەل 13 مامىر كۇنى، ەر ادام كەشە جانساقتاۋ بولىمىنەن جالپى پالاتاعا اۋىستىرىلدى. سونداي-اق 13 جانە 14 مامىر كۇندەرى ءبىر-ءبىر ادامنان اۋرۋحاناعا ءتۇستى.

«قازىرگى كەزدە بارلىعىنىڭ جاعدايى ورتاشا اۋىر. ەم قابىلداۋدا. الدىن الا مالىمەت بويىنشا ولار تاماقتان ۋلانعان دەگەن دياگنوز قويىلدى. جۇمىسشىلاردىڭ نەدەن ۋلانعانى كەيىن انىقتالاتىن بولادى»، دەدى.

تۇرعىنداردىڭ سوزىنە قاراعاندا، ۋلانعاندار Halliburton جانە باسقا قوسالقى مەردىگەر كومپانيالاردىڭ قىزمەتكەرلەرى كورىنەدى.

سوڭعى جاڭالىقتار

ستۋدەنتتەردىڭ ستيپەندياسى كوبەيەدى

ايماقتار • 11 ماۋسىم، 2021

اقتوبە وبلىسىنا باس يمام تاعايىندالدى

تاعايىنداۋ • 11 ماۋسىم، 2021

ۇقساس جاڭالىقتار