قوعام • 15 مامىر، 2021

ايدا بالاەۆا قازاقستاندىقتاردى حالىقارالىق وتباسى كۇنىمەن قۇتتىقتادى

14 رەت كورسەتىلدى

اقپارات جانە قوعامدىق دامۋ ءمينيسترى ايدا بالاەۆا Facebook-تەگى پاراقشاسىندا قازاقستاندىقتاردى حالىقارالىق وتباسى كۇنىمەن قۇتتىقتادى، دەپ حابارلايدى Egemen.kz

«بۇگىن – حالىقارالىق وتباسى كۇنى. وتباسى – بارشامىز ءۇشىن قاستەرلى دە قادىرلى ۇعىم. راسىندا ءاربىر وتباسى – تۇتاس قوعامنىڭ ايناسى. بىراق، وتباسىنىڭ ىرگەسىن بەكىتىپ، قابىرعاسىن قاتايتۋ – ومىرگە ۇرپاق اكەلۋ، مول تابىس تابۋ قاعيدالارىمەن عانا شەكتەلە مە؟! مەنىڭ ويىمشا، وتباسىنىڭ بەرىكتىگى – ەڭ الدىمەن ونداعى ءوزارا سىيلاستىق پەن قۇرمەتكە، بيىك رۋحاني دەڭگەي مەن تاربيەگە بايلانىستى. ءبىزدىڭ قاي-قايسىمىز ومىرلىك داعدىنى، مىنەزىمىزدى، باسقالارمەن بايلانىس مادەنيەتىن وتباسىنداعى تاربيەدەن قالىپتاستىرامىز. اكە-شەشەنىڭ ءبىر-بىرىنە دەگەن قۇرمەتى، اينالاعا دەگەن قارىم-قاتىناسى – بالا ءۇشىن ەڭ ءبىرىنشى ومىرلىك ۇلگى. سونىڭ ىشىندە، انانىڭ ىقپالى مەن ءرولى اسىرەسە ەرەكشە دەپ سانايمىن. ايەلدىڭ اتا-اناعا دەگەن ىزەتى، جۇبايىنا قۇرمەتى، بالاسىنا دەگەن مەيىرىمى، وزىنە دەگەن سەنىمى – بارلىعى دا بالا تاربيەسىندەگى نەگىزگى العىشارت. بالانىڭ تىڭداپ وي تۇزەيتىن دە، قاراپ بوي تۇزەيتىن دە ۇلگىسى وسىندا جاتىر»، دەپ جازدى ايدا بالاەۆا.

بۇدان بولەك، ۆەدومستۆو باسشىسى «ۇيادا نە كورسەڭ – ۇشقاندا سونى ىلەسىڭ» دەگەن حالىق دانالىعىن تىلگە تيەك ەتتى.

سەبەبى وتباسىلىق تاربيە – كۇندەلىكتى جاۋاپكەرشىلىك. بۇنىڭ بارلىعى دا – ءبىزدىڭ حالىقتىڭ وزىنە ءتان وتباسىلىق تاربيە ينستيتۋتىندا بار دۇنيە. ول عاسىردان عاسىرعا سوزىلىپ، ۇرپاقتان ۇرپاققا ساباقتاسىپ كەلەدى. سەبەبى بۇل ۇلتتىق كودىمىزعا جازىلعان رۋحاني قۇندىلىقتار.

ء«بىز كەشە عانا جىلداعى داستۇرمەن كەزەكتى «مەرەيلى وتباسى» ۇلتتىق كونكۋرسىن باستادىق. بۇل شىن مانىندە ناعىز حالىقتىق قولداۋعا يە ۇلتتىق جوباعا اينالدى. بۇگىندە كەيبىر باق ەلىمىزدە وتباسىلىق قۇندىلىقتاردىڭ وزگەرگەنىن جازىپ جاتادى. دەگەنمەن، شىن مانىندە، ءبىزدىڭ قوعامدا ۇلگى بولاتىن وتباسىلار وتە كوپ. ەل تاۋەلسىزدىگىنىڭ 30 جىلى ىشىندە ۇيىمداستىرىلاتىن وسىنداي ءارتۇرلى جوبالار مەن بايقاۋلار بىزگە وسىنى كورسەتىپ كەلەدى. مۇراتى بيىك مەملەكەت تە، بىرلىگى بەرىك قوعام دا – ەڭ الدىمەن بىرلىگى بەكەم، بەرەكەسى مول وتباسىدان قۇرالادى. وسىنداي وتباسىلار – ەرتەڭگى ەل باسقاراتىن زيالى ازاماتتى دا تاربيەلەيدى، باسەكەگە قابىلەتتى قوعامدى دا قالىپتاستىرادى. سوندىقتان وتباسى مەرەكەسى بارشاڭىزعا قۇتتى بولسىن! دەندەرىڭىزگە ساۋلىق، باياندى باقىت پەن بەرەكەلى تاتۋلىق تىلەيمىن! وتباسىلارىڭىز امان بولسىن!»، دەپ تۇيىندەدى ءسوزىن مينيستر.

ايتا كەتەيىك، بۇگىن الەم ەلدەرى حالىقارالىق وتباسى كۇنىن اتاپ ءوتىپ جاتىر.

سوڭعى جاڭالىقتار

دوللار قىمباتتاي باستادى

قارجى • بۇگىن، 11:47

كونە ءداۋىر كورىنىستەرى

ونەر • بۇگىن، 09:03

استانا كۇنىنە ارنالادى

تەاتر • بۇگىن، 09:02

جوسپارلانعان جوبا جەتەرلىك

ايماقتار • بۇگىن، 09:00

ايالى الاقانداعى «ءومىر اعاشى»

ايماقتار • بۇگىن، 08:58

«جاسىلدان» «سارىعا» ءوتتى

ايماقتار • بۇگىن، 08:56

«ءۇندى» شتامى ۇرەيلى

كوروناۆيرۋس • بۇگىن، 08:55

Ashyq ىندەتتى اۋىزدىقتاي ما؟

مەديتسينا • بۇگىن، 08:53

ءبىرجان سال ەلىندەگى بەرەكە

ايماقتار • بۇگىن، 08:50

اكە كورگەن...

پىكىر • بۇگىن، 08:44

كۇرمەۋى قيىن ماسەلە – كۇرە جولدا

ايماقتار • بۇگىن، 08:43

تاۋەلسىزدىك جانە رۋحانيات

تاۋەلسىزدىكتىڭ 30 جىلدىعى • بۇگىن، 08:37

جاستار كەڭەسىنىڭ وتىرىسى ءوتتى

ساياسات • بۇگىن، 08:35

ەكونوميكادا وڭ سەرپىن بار

ساياسات • بۇگىن، 08:32

التىن وڭدەيتىن الىپ كەشەن

ەكونوميكا • بۇگىن، 08:30

جىلقى ەتى تۇسىڭە كىرەدى...

ەكونوميكا • بۇگىن، 08:27

ادامزات تراگەدياسى

تانىم • بۇگىن، 08:23

مەيىرىم شۋاعى

قوعام • بۇگىن، 08:15

اۋىلدا بالا كوپ، ۇيىرمە از

قازاقستان • بۇگىن، 07:59

جارىس پەن تابىس

ەكونوميكا • بۇگىن، 00:00

ۇقساس جاڭالىقتار