بەلگىلى بولعانداي, وسى جىلدىڭ ءساۋىر ايىندا بقو بويىنشا سىبايلاس جەمقورلىققا قارسى ءىس-قيمىل دەپارتامەنتىمەن قر اقبتك-ءنىڭ 681-بابى «بۇرىن سىبايلاس جەمقورلىق قىلمىس جاساعان ادامداردى جۇمىسقا قابىلداۋ» بويىنشا دەنە شىنىقتىرۋ جانە سپورت دەپارتامەنتىنىڭ باسشىسى قايمەن ەسەندياروۆتىڭ ۇستىنەن اكىمشىلىك ءىس قوزعالعان بولاتىن. ءىس قىسقارتىلعان تارتىپپەن قارالدى. وبلىستىق سپورت ءبولىمىنىڭ باسشىسىنا 291 700 تەڭگە ايىپپۇل سالىندى. ءبىر اپتا ىشىندە ول ايىپپۇلدىڭ 50%-ىن, ياعني 145 850 تەڭگە تولەدى.
كەيىن ەسەندياروۆ بقو بويىنشا سىبايلاس جەمقورلىققا قارسى ءىس-قيمىل دەپارتامەنتىنىڭ باسشىسى ءبىرجان ءحايرۋلليننىڭ ارەكەتىنە شاعىم تۇسىرەدى, الايدا سوت ءوتىنىشتى قاراۋسىز قالدىردى, سەبەبى ءبىرىنشى ساتىداعى سوتتىڭ قاۋلىسى زاڭدى كۇشىنە ەنگەن بولاتىن.
«موي گورود» ينتەرنەت-باسىلىمىنىڭ مالىمەتىنشە, مەملەكەتتىك قىزمەت ىستەرى دەپارتامەنتى دە وبلىس اكىمدىگىنە قايمەن ەسەندياروۆقا قاتىستى شەشىم قابىلداۋ ۇسىنىسىمەن حات جولداعان. الايدا ناقتى قانداي ۇسىنىس ەكەنى بەلگىسىز.
